طالبان د ممتازو زده‌کوونکو لپاره په کابل کې نمونوي لېسه پرانیزي

د طالبانو د پوهنې وزارت په وینا، په دې لېسه کې به د اووم، اتم او نهم ټولګیو مستعد زده‌کوونکي د زده‌کړو د دوام لپاره جذب کړي.

د طالبانو تر کنټرول لاندې د ملي ټلویزیون د پنجشنبې په ورځ (د تلې لسمه) د پوهنې وزارت په حواله راپور ورکړی، چې تراوسه په سیدجمال‌الدین افغان نمونوي لېسه کې ۲۰۰تنه زده‌کوونکي جذب شوي او تمه ده چې دغه شمېر به ډېر ژر ۶۰۰ تنو ته لوړ شي.