ترکیې د ایران د اټومي پروګرام اړوند اشخاصو او شرکتونو شتمنۍ کنګل کړې

د راپورونو له مخې، دغه بندیزونه هغه شرکتونو او ادارې رانغاړي چې د ایران د اټومي پروګرام په پراختیا کې ښکېل دي، چې پکې د سمندري ټرانسپورټ شرکتونه، د انرژۍ سکټور او څېړنیز مرکزونه شامل دي.

د ترکیې دا اقدام په داسې وخت کې ترسره شوی، چې پر تهران د ملګرو ملتونو بندیزونه بېرته عملي شوي او د لوېدیځو هېوادونو «امریکا، کاناډا او برېتانیې» له لوري هم د ایران پر اټومي او توغندیزو پروګرامونو نوي بندیزونه اعلان شوي دي.

شنونکي وايي، د انقرې دا پرېکړه د هغو نړۍوالو هڅو یوه برخه ده چې غواړي پر تهران فشار زیات کړي، څو د اټومي پروګرام په اړه شفاف عمل وکړي او د نړۍوالو غوښتنو سره سم همکاري وکړي.