د ټرمپ او شي جېن پېنګ د راتلونکو خبرو تمرکز به د سویابینو پر مسلې وي
د امریکا ولسمشر ډونالډ ټرمپ تازه اعلان کړی، چې له خپل چینايي سیال سره به یې راتلونکې خبرې د سویابینو پر مسلې ورټولې وي. نوموړي ویلي، چې د چین له لوري د سویابینو نهپېر، امریکایي بزګرانو ته سخت زیان اړولی او بیجېنګ دغه کار یوازې په سوداګریزو خبرو کې د فشار د وسیلې په توګه کاروي.
د راپورونو له مخې؛ چین د امریکا پر ځای دا مهال د سویابینو واردات د سویلي امریکا له هېوادونو کوي، چې امریکايي کروندګرو ته یې مېلیاردونه ډالر تاوان رسولی دی.
