طالبانو د افغانستان لپاره د پاکستان له پخواني سفیر سره پر ګډو همکاریو خبرې کړې دي
په اسلاماباد کې د طالبانو سفیر سردار احمد شکېب وايي، د افغانستان لپاره د پاکستان له پخواني سفیر منصور احمد خان سره یې په کتنه کې د کابل او اسلاماباد ترمنځ د شته ستونزو، فرصتونو او په ټوله کې د ګډو همکاریو په تړاو خبرې کړې دي.
نوموړي پر اېکس پاڼه کاږلي، چې په یاده ناسته کې د دواړو هېوادونو د خلکو ترمنځ د اړیکو د پیاوړتیا په اړه هم خبرې شوې دي.
