طالب استازي د قفل په ماتولو د بن قونسلګرۍ ودانۍ ته ننوتلي

دغه پېښه په داسې ورځ رامنځته شوې چې جرمني کې عمومي رخصتي وه؛ د اکتوبر درېیمه د «جرمني د وحدت ورځ» په نوم لمانځل کېږي.

سرچینې زیاتوي، د قونسلګرۍ پخواني سرپرست او کارکوونکي څو ورځې وړاندې په ډله‌ییز ډول استعفا کړې وه او د خبرپاڼې په خپرولو یې ویلي وو، چې د جرمني له‌خوا د طالبانو د استازو منل او د دغه دفتر سپارل د دوی د استعفا اصلي دلیل دی.