د افغانستان بانک په تېرو څلور کلونو کې نږدې ۱۵ میلیارده زړې افغانۍ راټولې کړې دي

د افغانستان بانګ نن شنبه د (تلې ۱۲مه) پر اېکس‌پاڼې د یوې ویډیو په خپرولو سره له هېوادوالو غوښتي، چې د افغانیو ساتنې ته پاملرنه او د پیسو له زړېدو دې مخنیوی وکړي.

د افغانستان بانک همداراز له هېوادوالو غوښتنه کړې، چې مالي راکړې ورکړې کې اسانتیاوو په موخه دې کارتونه ترلاسه او هېواد کې دې د برېښنایي بانکوالۍ پراختیا او دودولو کې مرسته وکړي.