طالبانو د پاکستان د دفاع وزیر د ویزې غوښتنه رد کړې

د ایران د صدا او سیما خبري اژانس د راپور له مخې؛هغه په یزد سیمه کې یوې غونډې ته وویل، په ایران کې یوازې اسناد لرونکي کډوال پاتې کېدای شي؛ بې اسنادو کډوال به له ایران نه واېستل شي.

د نوموړي د شمېرو له مخې؛ په تېرو ۷ میاشتو کې تر یو مېلیون او ۴۱۰زرو ډېر بې‌اسناده افغان کډوال له ایران نه اېستلل شوي دي. هغه د بې‌اسناده افغان کډوالو د اېستلو موخه په ایران کې د نظم او امنیت ټينګښت وباله.

تر دې مخکې د ملګرو ملتونو د بشري حقونو عالي کمېشنر فولکر تورک ویلي و، چې په تېرو ۷ میاشتو کې له ایران او پاکستان نه تر ۱.۹ مېلیونو ډېر افغانان اېستل شوي دي. هغه د ایران او پاکستان له حکومتونو غوښتي و، چې سملاسي دې د افغان کډوالو جبري اېستل ودروي.

خو له ایران او پاکستان نه د افغان کډوالو اېستلو لړۍ اوس هم روانه ده او هره ورځ زرګونه افغانان په زور اېستل کېږي. هغه ویلي، چې په ایران کې یوازې درې سلنه افغان کډوال پاتې کېدای شي؛ خو دا یې نه‌دي ويلي، چې درې سلنه څومره کډوال کېږي.

دغه اداره وايي، چې اوس هم شاوخوا ۲.۱۳ مېلیونه ماشومان ښوونځیو ته نه ځي.

یونېسف له یونسکو سره په ګډه په افغانستان کې د ماشومانو د زده‌کړو په اړه څېړنه کړې او په خپل راپور کې یې لیکلي:« د لومړنیو زده‌کړو وضعیت هم د هلکانو او هم د نجونو لپاره د اندېښنې وړ دی. ان دا چې ژور بحراني حالت ورته ویلای شو.»

یونېسف د ښوونځيو دغه ویجاړ حالت د طالبانو د کمزوري او محدودې ښوونیزې تګلارې پایله بولي. دغه ادارې له طالب چارواکو غوښتنه کړې، چې ژر تر ژره دې د نجونو پر زده‌کړو بندیزونه لرې کړي.

یونېسف خبرداری ورکړی، که د نجونو پر زده‌کړو بندیز همداسې دوام ومومي؛ نو تر ۲۰۳۰کاله پورې به نږدې څلور مېلیونه نجونې له منځنیو زده‌کړو هم بې‌برخې شي.

هغه د طالبانو ملي ټلوېزیون ته په خبرو کې ویلي، چې د دغې ډلې د کورنیو چارو وزیر سراج‌الدین حقاني امر کړی که په کابل کې د هغه درملنه ونه شي؛ باید بهر ته واستول شي.

پر سلیم پیګیر (د تلې پر ۱۷مه نېټه) د کابل ښار په ۱۰مه ناحیه کې حنظله جومات ته نږدې وسله‌وال برید وشو. د راپورونو له مخې؛ دوه کسان چې ځانونه یې له کاناډا څخه راستانه شوي افغانان بلل د هغه کور ته ورغلي او د خدای پامانۍ پر مهال یې پر پیګیر ډزې کړې دي.

د پیګیر کورنۍ پرون افغانستان انټرنشنل ته وویل، چې د پېښې په تړاو یو بریدګر نیول شوی او بل یې تښتېدلی دی. سلیم پیګیر د افغانستان په رسنیو کې له مشهورو سیاسي شنونکو دی.

هغه به د خپلو خبرو په ترڅ کې د طالبانو د ادارې ملاتړ کاوه؛ خو د نجونو د ښوونځیو، د انټرنېټ بندیز او ځینو نورو مواردو کې د طالبانو پر ادارې نیوکې هم کولې. تر اوسه کوم شخص یا ډلې د دغه برید مسوولیت نه‌دی منلی.

دغه سازمان زیاتوي، چې تر دې مهاله د دغه افغان هویت نه‌دی څرګند شوی او د هغه د پېژندنې هڅې روانې دي. یاد سازمان د روان کال د سپټمبر په لومړیو میاشتو کې هم راپور ورکړی و، چې په ایران کې د ۲۰۲۵ کال له پیل راهیسې لږترلږه ۵۹ افغانان اعدام شوي دي.

په ورته وخت کې د ایران د بشري حقونو سازمان هم د سپټمبر په لومړیو کې اعلان وکړ، چې په روان کال کې د ایران د اعدامونو شمېر د تېر کال پرتله دوه برابره ډېر شوی دی.

د دغه سازمان د شمېرو له مخې؛ ایراني چارواکو په تېرو ۸ میاشتو کې لږترلږه ۸۶۴ کسان اعدام کړي دي. تر دې وړاندې د ملګرو ملتونو د بشري حقونو ادارې ویلي و، چې د ایران حکومت د اعدام سزا لغوه کولو ډېر غوښتنلیکونه نه‌دي منلي.

نوموړي سازمان یو ځل بیا له ایران نه غوښتنه کړې، چې ژر تر ژره دې د اعدامونو لړۍ ودروي.

دغه سازمان د یوې خبرپاڼې په خپرولو سره ویلي، فېسبوک کمپنۍ (میټا پلټفورم) په دې وروستیو ورځو کې د یو شمېر هغو افغان خبریالانو چې له هېواده بهر د رسنیو او ټولنیزو شبکو له لارو د افغانانو د حقایقو، ستونزو او انساني وضعیت غږ نړۍ ته رسوي بند کړي دي.

فېسبوک کمپنۍ لا تر اوسه د یادو افغان خبریالانو د فېسبوک اکونټونو د بندښت په تړاو هېڅ رسمي دلیل نه دی وړاندې کړی او خبریالانو ته هم د وضاحت غوښتنې حق نه دی ورکړل شوی.

خبرپاڼه کاږي: «دا اقدام نه یوازې د خبریالانو د حقونو او د هغوی د مسلکي کار خنډ ګرځي، بلکې د بیان ازادۍ، د معلوماتو د لاسرسي او د ډېموکراسۍ ارزښتونو له اصولو سره هم په څرګنده توګه په ټکر کې دی.»

د افغانستان رسنیو ملاتړ سازمان له فېسبوک کمپنۍ څخه غوښتي، چې په لومړي سر کې د یادو افغان خبریالانو تړل شوي اکونټونه ژر تر ژره فعال کړي ګنې د دغې پرېکړې شفاف دلیلونه وړاندې کړي او یا هم هغه پالیسۍ دې بیا وارزوي چې د بیان ازادۍ د محدودېدو لامل شوې دي.

د یاد سازمان په وینا، افغان خبریالان د معلوماتو د ازاد بهیر، د خلکو د غږ رسونې او د ځواب‌ویلو د کلتور د ټینګښت لپاره کار کوي او «د هغوی خاموشه‌کول، د ټول ملت خاموشه‌کول دي.»

په بهر کې مېشت یو شمېر فعال افغان خبریالان وايي، پرته له دې چې د فېسبوک پالیسۍ خلاف کوم کار یې کړی وي، فېسبوکونه یې بند کړای شوي دي.