د شمالي ولایتونو زلزله ځپلو لپاره د ترکمنستان مرسته بلخ ته ورسیده
په بلخ کې د طالبانو د رسنیو دفتر د یوې خبرپانې په خپرولو سره ویلي، چې ترکمنستان د ۳۴ میلیونه افغانیو په ارزښت بشري مرستې یادې ډلې ته سپارلي دي.
په بلخ کې د طالبانو د رسنیو دفتر د یوې خبرپانې په خپرولو سره ویلي، چې ترکمنستان د ۳۴ میلیونه افغانیو په ارزښت بشري مرستې یادې ډلې ته سپارلي دي.
طالبانو ویلي، چې د شمالي ولایتونو د زلزله ځپلو لپاره د ترکمنستان له خوا لېږل شوې مرسته په اقینه بندر کې د ترکمنستان د ملي شورا د رییس رجب بازاروف او په مزارشریف کې د ترکمنستان د قونسل بازار بای کعبه یوف له خوا په بلخ کې د طالبانو د والي مرستیال نورالدین ابو ادریس او د بلخ سیمه ييز طالب چارواکو ته سپارل شوې.
د طالبانو د معلوماتو له مخې، په یاده مرسته کې خوراکي توکي، درمل، ساختماني توکي او جامې شامل دي.
د ترکمنستان له خوا یاده مرسته په داسې حال کې طالبانو ته سپارل شوي، چې څو ورځې وړاندې په بلخ او سمنګان ولایتونو کې یوې زورورې زلزلې له امله نږدې ۳۰ کسان مړه او له ۷۰۰ څخه ډېر ټپیان شول.
