هند په ګجرات ایالت کې د داعش د درېیو غړو د نیولو خبر ورکړی دی

واشنګټن ته د الشرع د سفر تر ټولو مهم هدف دا و، چې د امریکا له لوري پر سوریې لګول شوي سخت اقتصادي بندیزونه په بشپړ ډول لغوه شي. هغه له ولسمشر ټرمپ سره د تړلو دروازو تر شا پټه لیدنه وکړه. هم‌مهاله، د امریکا د خزانې وزارت اعلان وکړ چې د «سزار قانون» د تطبیق مهلت به ۱۸۰ نورو ورځو ته وغځوي، خو د دغو بندیزونو بشپړ لرې کول یوازې د کانګرس له پرېکړې وروسته ممکن دي.

دا په داسې حال کې ده، چې الشرع ته د نورو مېلمنو په څېر شانداره هرکلی نه دی ورکړل شوی، بلکې هغه سپینې ماڼۍ ته د معمول دروازې څخه نه له یوې بلې دروازې ننوت چېرې چې خبریالانو یوازې یوه شېبه ولید او هغوی ته د داخلېدو اجازه ورنکړل شوه.

وروسته د خزانې وزارت د ۲۰۱۹کال د سزار قانون د تطبیق په اړه نوی فرمان صادر کړ، چې د بشري حقونو د سرغړونو په تور د اسد پر رژیم سخت بندیزونه لګولي وو. دغه نوی ګام چې د ۱۸۰ورځو لپاره د بندیزونو ځنډ غځوي، د خزانې وزارت په وینا، د سوریې د بندیزونو د نرمښت دوام ته د امریکا ژمنتیا ښيي.

الشرع چې ۴۳کلن دی، تېر کال د بشارالاسد حکومت له نسکورولو وروسته واک ته ورسېد.

له هغه وروسته، د سوریې سیمه‌ییز سیاست په چټک بدلون کې دی. له ایران او روسیې څخه یې مخ اړولی او د ترکیې، خلیج هېوادونو او امریکا پر لور روان دی.

ګوترېش وویل: «موږ ته د صحي اوبو او حفظ‌الصحې د سیستمونو لپاره ډېرې او جدي پانګونې پکار دي، څو د خوندي اوبو، حفظ‌الصحې او پاکوالي زمینه د ټولو خلکو لپاره برابره شي.»

د ملګرو ملتونو د راپوررونو له مخې، د څښاک د اوبو د نشتوالي له امله تر ټولو ډېر اغېزمن هېوادونه د افریقا د ساحل سیمه، منځنۍ ختیځ او سوېلي اسیا دي. په دغو سیمو کې میلیونونه خلک لا هم د پاکو اوبو او حفظ‌الصحې له بنسټیزو اسانتیاوو بې‌برخې دي.

افغانستان، چاډ، یمن، هند او پاکستان د وچکالۍ، جګړو، فقر او د اقلیم بدلون له امله د اوبو له جدي ناورین سره مخ دي او د انتونیو ګوترېش په وینا، د هوا د تودوخې له زیاتېدو سره به دا حالت لا پسې خراب شي.

دا په داسې حال کې ده، چې څه موده مخکې د مرسي کورپس په نوم یوه نړۍوال سازمان خبرداری ورکړی، چې د کابل شاوخوا اووه میلیونه اوسېدونکي د اوبو له سخت کمښت او ناورین سره مخ دي. دغه سازمان ویلي، چې په کابل کې نیمايي ژورې څاګانې وچې شوي او ښايي تر ۲۰۳۰م کال پورې کابل کې اوبه وچې شي.

دغې نا‌دولتي ادارې په خپل راپور کې ویلي، د تېرو لسو کلونو په موده کې د کابل د ځمکې لاندې اوبو سطحه ۳۰ متره ټېټه شوې ده. د یاد سازمان په راپور کې په کابل ښار کې چټکه پراختیا او د اقلیم بدلون د دغه ناورین دوه اساسي عوامل ګڼل شوي دي.

په افغانستان کې د څښاک اوبو وضعیت له ګڼو کلونو راهیسې له جدي ستونزو سره مخ دی. د جګړو، بې‌وزلۍ، چاپېریالي ستونزو او د زېربنا نشتوالي له امله میلیونونه خلک پاکې اوبه نه لري او د څښلو لپاره له ککړو سرچینو کار اخلي.

د څښاک اوبو د کمښت اصلي ستونزې:
د اوبو سرچینې ککړتیا: د سیندونو، څاګانو او د اوبو د زېرمو ککړتیا د فاضله اوبو، صنعتي ضایعاتو او کیمیاوي موادو له امله د خلکو روغتیا ته لوی ګواښ دی.
بېړنی کمښت: د وچکالیو له امله د لرې پرتو سیمو خلک د څښاک اوبو ته لاسرسی نه لري، چې د اوبو د کمښت له امله د ناروغیو او مړینو کچه لوړه شوې.
چاپېریالي عوامل: د هوا د تودوخې زیاتوالی او وچکالي د اوبو کمښت نور هم زیاتوي.
د زېربنا نشتوالی: د اوبو د رسولو سیستمونه په ډېرو سیمو کې خراب دي او د خلکو ډېری کورونه د پاکو اوبو د رسولو اسانتیاوې نه لري.
روغتیايي ستونزې: د ککړو اوبو له امله د کولرا، ټایفایډ او نورو ژورو ناروغیو کچه لوړه شوې، په ځانګړې توګه په ماشومانو کې.
حل لارې:
د اوبو د پاکولو پروژو پراخول او د څاګانو او سیندونو د ککړتیا کنټرول.
د خلکو د پوهاوي لوړول چې د اوبو د خوندي کارونې او حفظ الصحې اصول مراعات کړي.
د اوبو زېرمو جوړول او د اوبو د زېرمو مدیریت ښه کول.
نړۍوالو سازمانونو سره همکاري ترڅو د بېړنیو مرستو له لارې پاکې اوبه خلکو ته ورسېږي.

د هند په پلازمېنه نوي ډیلي کې سرې کلا سیاحتي سیمې ته نږدې تر یوې چاودنې وروسته امریکا سفارت د دوشنبې په ورځ (د لړم ۱۹مه) خپلو وګړو ته په یوې خبرتیا کې له هغوی څخه غوښتي، چې «د سرې کلا، چاندنې سیمو ته مه نږدې کېږئ، له ګڼې ګوڼې لرې اوسئ، د ګرځېدو پر مهال خپل چاپېریال ته متوجه اوسئ.»

سفارت خپلو وګړو ته ویلي، په هغو ځایونو کې دې ډېر هوښیار واوسي چې سیلانیان ډېر وي.

دغې ادادرې امریکايي وګړو ته په سپارښتنو کې زیاته کړې، چې د تازه معلوماتو لپاره سیمه ییزې رسنۍ وڅارئ.

‏د ځایي رسنیو د راپورونو له مخې، د هند پلازمېنه نوي ډیلي کې د نن ماښام چاودنې له امله د لومړنیو معلوماتو له مخې تر ۲۰ زیاتو کسانو ته مرګ‌ ژوبله اوښتې.

‏هندي چارواکو تر دې دمه د دغې چاودنې د لامل په اړه څه نه دي ویلي، خو د دغه هېواد په څو ایالتونو کې سخت امنیتي تدابیر اعلان شوي دي.

په محلي رسنیو کې د سړک په اوږدو کې له څو موټرو پورته کېدونکی لوګی او اور لیدل کیږي او ښيي چې دا سیمه د میټرو تمځای ته نږدې ده.

د نوي ډيلي د اور وژنې مرستیال مشر وویل چې لږ تر لږه شپږ موټر او درې رکشې سوځېدلي، خو د اور وژنې ټیمونو اور مړ کړی دی.

ریډ فورټ، چې په هند کې یې د سرې کلا په نوم یادوي، د ۱۷ مې پېړۍ مغلي دورې کلا ده او ګڼ سیلانیان ورځي.

پر سارکوزي د ۲۰۰۷کال ټاکنو د کمپاین د تمویل په تړاو د لیبيا له پخواني مشر معمر قذافي څخه د پیسو اخیستو په یوه دوسیه کې د ښکیلتیا تور لګېدلی و.

هغه ته د پنځو کلونو د بند سزا ورکړل شوې وه.

سارکوزي د پاریس له محکمې سره د ویډیو له لارې خبرې وکړې او خپل بند یې سخت او له ویرې ډکه تجربه وبلله، خو ویې ویل چې هېڅکله یې له قذافي څخه د پیسو غوښتلو «لیونی فکر» نه درلود.

د ده د خوشې کېدو غوښتنه د دولتي څارنوال له خوا ومنل شوه، خو امر ورته شوی چې د لیبيا دوسیې له شاهدانو سره اړیکه ونه نیسي.

سارکوزي، چې له ۲۰۰۷ کال نه تر ۲۰۱۲ پورې د فرانسې ولسمشر و، له دندې تر استعفا وروسته په پرله‌پسې توګه د فساد او د کمپاین د ناقانونه تمویل په قضیو کې تر پلټنو لاندې دی.

هغه له دویمې نړیوالې جګړې وروسته لومړنی فرانسوی پخوانی ولسمشر دی چې زنداني شوی.