اسراییل په تهران کې د لبنان لپاره د سپاه قدس ځواک قوماندان داوود عليزاده وژلی
د اسراییل دفاعي ځواکونو په یوې خبرپاڼه کې ادعا کړې، چې د لبنان لپاره یې د سپاه پاسداران اړوند د قدس ځواک قوماندان داوود عليزاده په یوه برید کې وژلی دی. د خبرپاڼې لهمخې، دا عملیات د اسراییل هوايي ځواک لهخوا په تهران کې ترسره شوي دي.
په اعلامیه کې ویل شوي، چې عليزاده د حسن مهدوي موقتي ځایناستی ګڼل کېده، چې هغه هم تر دې مخکې د اسراییل په یوه برید کې وژل شوی و. د اسراییل دفاعي ځواکونو زیاته کړې، چې عليزاده پخوا د قدس ځواک د ستراتېژیکو وسلو د څانګې مشري هم کړې وه او د نیابتي ډلو په وسلو سمبالولو او د هغوی د جنګي ځواک په لوړولو کې یې مهم رول لوبولی و.
