پر کابل، لغمان، خوست، کندهار او کونړ د پاکستان په هوایي بریدونو کې ۱۱۰ ملکي وګړي وژل شوي
د طالبانو مرستیال ویاند حمدالله فطرت وایي، له پاکستان سره په روانه جګړه کې پر کابل، لغمان، خوست، کندهار او کونړ ولایتونو د پاکستان په هوایي بریدونو کې د ملکي وګړو کورونه بمبار شوي چې له امله یې ۱۱۰ ملکي وګړي وژل شوي دي.
نوموړي نن سېشنبه (د کب ۱۲مه) د یوې خبري ناستې پرمهال ویلي:« امیرخان متقي د جګړې په اړه له بېلابېلو هېوادونو سره خبرې کړې او دوی ته یې په ډاګه کړې، چې جګړه موږ نهده پېل کړې او له دوی غوښتل شوي چې د جګړې په درولو کې مرسته وکړي.
