چین له اسراییل نه وغوښتل چې پر ایران بریدونه سملاسي ودروي
د چین د بهرنیو چارو وزیر وانګ یی له خپل اسراییلي سیال سره په ټیلیفوني خبرو کې ویلي چې بیجنګ پر ایران د اسراییل او امریکا د روانو بریدونو مخالف دی او غواړي دغه بریدونه سملاسي ودریږي.
د چین د بهرنیو چارو وزیر وانګ یی له خپل اسراییلي سیال سره په ټیلیفوني خبرو کې ویلي چې بیجنګ پر ایران د اسراییل او امریکا د روانو بریدونو مخالف دی او غواړي دغه بریدونه سملاسي ودریږي.
وانګ یی وویل: «ځواک په رښتیا ستونزې نه شي حل کولی، بلکې اکثره وخت نوې ستونزې پیدا کوي او اوږدمهاله جدي پایلې لري. د پوځي ځواک حقیقي ارزښت د جګړې په ډګر کې نه دی، بلکې د جګړې په مخنیوي کې دی».
په تهران او بیروت کې د سې شنبې په ورځ چاودنې وشوې او په مالي بازارونو کې ونډې را وغورځېدې.
وانګ یی زیاته کړه چې چین په نړیوالو او سیمهییزو مسایلو کې د خبرو اترو او تفاهم د حل لارې پلوي کوي.
وانګ یی د دوشنبې په ورځ د ایران، عمان او فرانسې د بهرنیو چارو له وزیرانو سره خبرې کړې وې او د خلیج هېوادونه یې هڅولي وو چې د بهرنیو مداخلو پر وړاندې متحد شي.
