اسراییل په تهران کې د ایران د بسیج او کورني امنیت د قوماندې پر مرکزونو بریدونه کړي
د اسراییل پوځ ویلي، چې دوی په تهران کې د ایران د «بسيج» او کورني امنیت د قوماندې مرکزونه په نښه کړي دي. د دوی په وینا؛ دغه مرکزونه د ایراني رژیم د ټول هېواد د کنټرول لپاره کارېدونکي مهم امنیتي او پوځي بنسټونه وو.
د اسراییل دفاعي ځواکونو پر اېکس پاڼه لیکي، د دوی په بریدونو کې د ایراني رژیم توغندي او نور پوځي سیستمونه هم په نښه شوي دي. د دوی په وینا؛ دغه اقدام د رژیم د پوځي وړتیاوو کمزوري کولو لپاره ترسره شوی دی.
