په جرمني کې یو ډنمارکی وګړی له ایران سره د همکارۍ په تور تر عدلي تعقیب لاندې راغلی
د جرمني چارواکو یو ډنمارکی وګړی له ایران سره د همکارۍ او په اروپا کې د یهودي څېرو او د اسراییل د یوه پخواني ملاتړي استازي د ترور د پلان جوړولو په تور تر عدلي تعقیب لاندې راوستی دی.
دغه شکمن کس تېر کال د جون په میاشت کې په ډنمارک کې نیول شوی و.
جرمني ادعا کوي چې نوموړي د ایران له اړوندو کړیو سره په همغږۍ د احتمالي هدفي بریدونو د پلان جوړولو هڅه کوله.
په ورته مهال، د هغه یو بل همکار چې د افغانستان تبعه بلل شوی، د تېر کال په نومبر میاشت کې په ډنمارک کې نیول شوی دی.
