د اوکراین جګړې او سیمهییزو کړکېچونو د فنلنډ د بمپناهځایونو نړیواله غوښتنه زیاته کړې
د اوکراین د جګړې او په منځني ختیځ کې د امنیتي اندېښنو له پراخېدو سره، فنلنډ د خپلو لویو او پرمختللو بمپناهځایونو له امله د نړۍ د هېوادونو پام ځانته اړولی او اوس فنلنډي شرکتونه هڅه کوي چې د دغو امنیتي تاسیساتو ټکنالوژي او خدمات نورو هېوادونو ته صادر کړي.
د رویټرز د راپور له مخې، د فنلنډ پلازمېنه هلسینکي د بېلابېلو هېوادونو د چارواکو، ښاروالانو او شرکتونو د استازو د لیدنو مهم مرکز ګرځېدلی دی. راپور وايي چې تر اوسه شاوخوا ۸۰۰ بهرنیو پلاوو د «مېريهاکا» په نوم د دغه هېواد تر ټولو ستر ملکي بمپناهځای لیدنه کړې ده.
دغه بمپناهځای، چې په ۲۰۰۳ کال کې د ځمکې تر سطحې شاوخوا ۲۵ متره لاندې جوړ شوی، د عادي وختونو پر مهال د سپورټ میدانونه، جمنازیم او د ماشومانو د لوبو ځای لري، خو د بیړني حالت پر مهال په ۷۲ ساعتونو کې د شپږ زره کسانو د استوګنې په مرکز بدلېدلی شي.
راپور وايي، په فنلنډ کې د لویو استوګنیزو او سوداګریزو ودانیو لاندې د بمپناهځایونو جوړول قانوني شرط دی، او همدې چارې فنلنډي شرکتونه د دغو تاسیساتو په ډیزاین، جوړولو او ساتنې کې له پراخې تجربې برخمن کړي دي.
