لېنډسي ګراهام: ډونالډ ټرمپ به ایران ته د یورانیمو د غني‌کولو د دوام اجازه ور نه‌کړي

د افغانستان لپاره د برېتانیا ځانګړي استازي رېچارډ لینډسي ویلي، چې د کابل په سفر کې یې د طالبانو د اقتصاد له وزیر سره لیدنه کړې او په هېواد کې یې د تعلیم‌یافته ټولنې د اهمیت او د ښځو د اقتصادي مشارکت پر اړتیا ټینګار کړی دی.

لینډسي په اېکس خواله کې لیکلي: «ما په کابل کې د اقتصاد له وزیر سره وکتل. ما د تعلیم‌یافته ټولنې پر اهمیت او د افغان ښځو د فعال ګډون له لارې د اقتصادي فرصتونو پر زیاتېدو ټینګار وکړ.»

100%

هغه زیاته کړې چې د خپل سفر پر مهال یې د ښځینه وکیلانو، هنرمندانو، نادولتي مؤسسو او د سوداګرۍ د خونې له استازو سره هم لیدلي دي.

لینډسي د دې لیدنو په اړه ویلي: «دا زړورې ښځې د افغانستان د ډېرو خلکو په ژوند کې د پام وړ مثبت بدلون رامنځته کوي او د هېواد راتلونکی جوړوي.»

د برېتانیا ځانګړي استازي د افغانستان د ښځو د وضعیت او د اقتصادي ګډون په اړه دا څرګندونې داسې مهال کړې چې په هېواد کې د ښځو پر کار او ټولنیز حضور سخت محدودیتونه دوام لري.

د مارکو وربیو خبرې د امریکا بهرنیو چار وزارت وزارت اړوند د ایکس رسمي اکاونټ خپرې کړي، چې پکې روبیو د ناټو د متحدینو د دریځ په اړه ویلي: «ټول د ناټو هېوادونه له موږ سره موافق دي چې ایران نشي کولی اټومي وسلې ولري، دا رژیم د سولې لپاره ګواښ دی، او لا دمخه داسې توغندي لري چې اروپا ته رسېدای شي.»

هغه زیاته کړې چې امریکا په دې برخه کې اقدام کړی، خو په وینا یې ځینې متحدین وروسته له غبرګونه «شاته شوي» دي.

روبیو په خپل بیان کې ویلي: «موږ پرېکړه وکړه چې اقدام وکړو، او ټول لاړل او پټ شول. هو، موږ له دې وضعیت څخه ناراضه وو.»

دغه څرګندونې په داسې حال کې مخې ته راځي چې واشنګټن او اروپایي متحدین د ایران د اټومي پروګرام او د سیمې د امنیتي وضعیت په اړه ګډې اندېښنې لري، خو د عملي اقداماتو او نظامي همغږۍ په برخه کې وخت ناوخت اختلافونه هم راپورته شوي دي.

د رویټرز خبري اژانس د راپور له مخې، دغه پېښه له هغه اصلي مرکز څخه سلګونه کیلومټره لرې ثبت شوې چې د ایبولا خپرېدل پکې لومړی ځل تشخیص شوي وو. راپور وايي، په جنوبي کیوو کې یو ۲۸ کلن ناروغ، چې د کیسنګاني ښار څخه سیمې ته تللی و، د ناروغۍ له امله مړ شوی او روغتیايي اصولو ته په پام خاورو ته سپارل شوی دی.

د کانګو د روغتیا وزارت د شمېرو له مخې، تر اوسه د ایبولا د خپرېدونکې څپې له امله د ۶۷۰ شکمنو پېښو له ډلې ۱۶۰ مشکوکې مړینې ثبت شوي او له دغو څخه ۶۱ مثبتې پېښې په رسمي ډول تایید شوې دي.

راپور زیاتوي چې په ګاونډي یوګانډا کې هم د ایبولا دوه مثبتې پېښې ثبت شوې دي. د یوګانډا حکومت د احتیاطي تدابیرو په ترڅ کې اعلان کړی چې په راتلونکو ۴۸ ساعتونو کې به له کانګو سره الوتنې وځنډوي.

د روغتیا نړیوال سازمان د تېرې اوونۍ په پای کې د ایبولا د «بونډیبوګیو» بڼې خپرېدل نړیوال روغتیايي اضطراري وضعیت اعلان کړل. د راپور له مخې، د دې ویروس لپاره تر اوسه کوم تایید شوی واکسین نه شته.

د وبایي ناروغیو د چمتووالي نړیوال ایتلاف مشرې جېن هالټن، ویلي چې تر اوسه ثبت شوې پېښې ښايي یوازې «د یخ غره غوندې» وي، یعنې اصلي شمېرې ښايي تر دې ډېرې لوړې وي.

په ورته وخت کې مرستندویه بنسټونه خبرداری ورکوي چې د روغتیايي تجهیزاتو او لومړنیو امکاناتو کمښت د ناروغۍ د کنټرول هڅې له ستونزو سره مخ کړې دي، په ځانګړي ډول وروسته له هغه چې د ځینو لویو تمویلوونکو هېوادونو مرستې کمې شوې دي.

د رویټرز د راپور له مخې، د فنلنډ پلازمېنه هلسینکي د بېلابېلو هېوادونو د چارواکو، ښاروالانو او شرکتونو د استازو د لیدنو مهم مرکز ګرځېدلی دی. راپور وايي چې تر اوسه شاوخوا ۸۰۰ بهرنیو پلاوو د «مېريهاکا» په نوم د دغه هېواد تر ټولو ستر ملکي بم‌پناه‌ځای لیدنه کړې ده.

دغه بم‌پناه‌ځای، چې په ۲۰۰۳ کال کې د ځمکې تر سطحې شاوخوا ۲۵ متره لاندې جوړ شوی، د عادي وختونو پر مهال د سپورټ میدانونه، جمنازیم او د ماشومانو د لوبو ځای لري، خو د بیړني حالت پر مهال په ۷۲ ساعتونو کې د شپږ زره کسانو د استوګنې په مرکز بدلېدلی شي.

راپور وايي، په فنلنډ کې د لویو استوګنیزو او سوداګریزو ودانیو لاندې د بم‌پناه‌ځایونو جوړول قانوني شرط دی، او همدې چارې فنلنډي شرکتونه د دغو تاسیساتو په ډیزاین، جوړولو او ساتنې کې له پراخې تجربې برخمن کړي دي.

د دغه وزارت له خوا په خپره شوې خبرپاڼه کې راغلي، له دغو راستانه شویو کسانو څخه ۲۶۸ تنه د تورخم او ۳۹ نور د سپین بولدک له لارې هېواد ته داخل شوي دي.

د وزارت د خبرپاڼې له مخې، په دغو کسانو کې کورنۍ او انفرادي وګړي شامل وو، چې د استوګنې د قانوني اسنادو د نه لرلو له امله په پاکستان کې نیول شوي او زنداني شوي وو.

خبرپاڼه زیاتوي، راستانه شوي کډوال په اړوندو امریتونو کې له ثبت او لومړنیو مرستو د تر ترلاسه کولو وروسته خپلو اصلي سیمو ته لېږدول شوي دي.