امریکایي سناتور: ډونالډ ټرمپ باید پر ایران پوځي عملیات بیا پیل کړي
د امریکا د سنا د وسلهوالو ځواکونو د کمېټې رییس راجر ویکر له ډونالډ ټرمپ څخه غوښتي، چې له ایران سره د هوکړې پر ځای، پرې پوځي عملیات بیا پیل کړي او د تهران د پوځي وړتیاوو د لهمنځه وړلو بهیر بشپړ کړي.
ویکر د جمعې په ورځ (د غبرګولي لومړۍ) په خپله اېکسپاڼه لیکلي: «موږ باید هغه څه بشپړ کړو چې پیل کړي مو دي. امریکا باید له اسلامي جمهوریت سره د هوکړې په لټه کې نهوي، بلکې پر ځای یې باید پوځي عملیات بیا پیل کړي».
هغه زیاته کړې، چې ټرمپ ته ناسمې مشورې ورکول کېږي، څو داسې یوې هوکړې ته مخه کړي چې «ان د کاغذ پر مخ د لیکلو ارزښت هم نهلري».
د امریکا دغه سناتور زیاته کړې، اعلی قومندان باید امریکايي ځواکونو ته اجازه ورکړي، چې د تهران د دودیزو پوځي وړتیاوو د لهمنځه وړلو بهیر بشپړ او د هُرمز تنګی بېرته پرانیزي.
