پر لبنان د اسراییل په بریدونو کې ۶ روغتیايي کارکوونکي وژل شوي
رویټرز اژانس د لبنان د روغتیا وزارت له قوله راپور ورکړی، چې په تېرو ۲۴ ساعتونو کې د لبنان په سوېل کې د اسراییل په دوو جلا بریدونو کې ۶ روغتیايي کارکوونکي وژل شوي دي. د لبنان د روغتیا وزارت پر عامه تاسیساتو بریدونه د نړیوالو بشري قوانینو څخه ښکاره سرغړونه بللې ده.
د راپورنو لهمخې، دا بریدونه په تېرو ۲۴ ساعتونو کې د لبنان د سوېل په حناویه او دیر قانون النهر سیمو کې شوي، چې د روغتیايي کارکوونکو ترڅنګییو سوریایي ماشوم هم وژل شوي دی.
د اسراییلو پوځ تر اوسه په دې اړه کوم غبرګون نه دی ښودلی.
د لبنان د روغتیا وزارت وایي، د جګړې له پیل راهیسې تر اوسه له ۳۱۰۰ څخه ډېر کسان وژل شوي، چې پکې لسګونه روغتیايي کارکوونکي، ماشومان او ښځې هم شامل دي.
