د اروپايي ټولنې شورا د هرمز تنګي د امنیت ګډوډولو له امله پر ایران بندیزونه پراخ کړل
د اروپايي ټولنې شورا اعلان کړی، چې د ایران پر ضد یې د خپلو بندیزونو حقوقي چوکاټ پراخ کړی دی. د دغه ګام اصلي موخه د هغو کسانو او ادارو په نښه کول دي چې د ایران په ملاتړ یا ملګرتیا د هرمز تنګي له لارې د سوداګریزو بېړیو قانوني تګ راتګ ګډوډوي.
د اروپايي اتحادیې شورا ټینګار کړی چې د هرمز تنګي کې د ایران اقدامات د نړیوالو قوانینو خلاف دي.
هرمز تنګی د نړۍ له مهمو سمندري لارو ګڼل کېږي چې د نړیوالې انرژۍ د لېږد لویه برخه ترې ترسره کېږي. د دې سیمې هر ډول کړکېچ د نړیوالو بازارونو او د تېلو پر بیو مستقیم اغېز کوي.
