فرید بشارت د خپل امریکایي سیال اټین اوینګ پر وړاندې لوبېږي
د افغانستان د «اېماېماې» څانګې نه ماتېدونکی لوبغاړی فرید بشارت به د شنبې په ورځ (د غبرګولي ۳۰مه) د امریکا په لاس ویګاس کې د خپل امریکایي سیال اتین اوینګ پر وړاندې د لوبو ډګر ته ښکته شي.
د افغانستان د «اېماېماې» څانګې نه ماتېدونکی لوبغاړی فرید بشارت به د شنبې په ورځ (د غبرګولي ۳۰مه) د امریکا په لاس ویګاس کې د خپل امریکایي سیال اتین اوینګ پر وړاندې د لوبو ډګر ته ښکته شي.
د «یواېفسي» سازمان، «تاپالوژي» وېب پاڼې او د ««ایاېسپياېن» شبکې د یادې لوبې ترسراوی تایید کړی. د رزمي لوبو ۲۸کلن افغان لوبغاړی فرید بشارت له ۱۵ پرلهپسې بریاوو سره خپل نه ماتېدونکی ریکارډ ساتلی، چې له دې ډلې شپږ بریاوې یې په «یواېفسي»سازمان کې ثبت شوې دي.
له بلې خوا ۲۸ کلن امریکایی اټین اوینګ له ۱۰ بریاوو او دوو ماتو سره د لوبو ډګر ته ننوځي.
دغه لوبه د فرید بشارت لپاره یو له خورا په زړه پورو سیالیو کېدی شي، هغه لوبغاړی چې اوسمهال د «یواېفسي» سازمان په غوره ۱۵ جنګیالیو کې د افغانستان یوازینی استازی دی.
