ملګرو ملتونو د افغان کډوالو لپاره د ۵۲۰ میلیونه ډالرو غوښتنه کړې

هغه ویډیوګانې او انځورونه چې افغانستان انټرنشنل ته رسېدلي، ښکاري چې له لوبغالي څخه ورزشي او نور ودانیز توکي د انتقال په حال کې دي او په عملي توګه د کرېکټ د یاد معیاري لوبغالي د وېجاوړولو چارې پیل شوي دي.

په هلمند کې زرګونه ځوانان او د کرېکټ لوبغاړي د طالبانو د مشر د یادې پریکړې له امله خواشیني دي او وايي، چې هبت‌الله د نورو بندیزونو ترڅنګ د کرېکټ د لوبغالي په ویجاړولو سره هلمندیان له ورزش کولو څخه منع کړل.

له دې وړاندې په هلمند کې د کرېکټ لوبغاړو افغانستان انټرنشنل ته ویلي و، چې د طالبانو له‌خوا د کرېکټ معیاري لوبغالی په عیدګاه جومات بدلیدونکی دی.

هلمندي لوبغاړو افغانستان انټرنشنل ته ویلي و، چې د دغه ولایت د کرېکټ امریت ټولو لوبغاړو ته ویلي، چې له لوبغالي او اړوندې کرېکټ اکاډمۍ څخه خپل د لوبو وسایل وباسي.

د هلمند په کرېکټ لوبغالي کې له تېرو دوو کلونو راهیسې د افغانستان د زونونو په کچه کورنۍ سیالۍ کېدې او د یادو سیالیو پرمهال به زرګونه نندارچیان هم یاد لوبغالي ته ورتلل.

طالبانو په جومات د لوبغالي بدلولو موضوع په اړه په رسمي ډول څه نه دي ویلي.

د یاد لوبغالی د بنسټ ډبره د تېر جمهوري نظام پرمهال د ۱۳۹۶ کال په لیندۍ میاشت د لښکرګاه ښار د اوومي حوزې د صافیانو په سیمه کې کېښودل شوه.

په زابل کې د طالبانو د امنیه قوماندانۍ ویاند ذبیح‌الله جوهر ویلي، چې په یاد ولایت کې د نشه‌يي توکو پر وړاندې د مبارزې مدریت له لوري په تېرو درېیو میاشتو کې نیول شوي، درې نیم ټنه نشه‌يي توکي سوځولي دي.

نوموړي ویلي، چې په یادو نشه‌يي توکو ۲۹۵۴ کیلوګرامه ومان، ۵۵ کیلوګرامه چرس، ۸ کیلوګرامه تاریاک، ۴ کیلوګرامه شیشه او ۵۱۳ دانې د کا ګولۍ شاملې وي.

د زابل سیمه‌ییزو طالبانو ویلي، چې یاد نشه‌يي توکي یې د زابل په مرکز قلات او بېلابېلو ولسوالیو کې نیولي وو، خو د نشه‌يي توکو په تړاو د نیول شویو کسانو په اړه یې معلومات نه دې ورکړي.

د طالبانو تر ادارې لاندې د ریاست‌الوزراء اقتصادي معاونیت ویلي، دا غونډه د شنبې په ورځ، د غبرګولي په ۲مه، په مرمرینه ماڼۍ کې جوړه شوه.

د دغې ادارې د معلوماتو له‌مخې، غونډې ته ۳۱ پروژې د منظورۍ لپاره وړاندې شوې وې، له بحث وروسته ۱۵ پروژې منظورې شوې او په ۷ نورو پروژ کې یو شمېر تعادیلات راوستل شول.
طالبانو ویلي چې د منظور شویو پروژو لګښت به د دوی له کورنۍ بودېجې څخه ورکول کېږي.
په منظور شویو پروژو کې د غزني ولایت د زردالو بند د جیوتخنیکي مطالعاتو بشپړول، په بلخ کې د حیرتان بندر د ۱۴ کیلومتره سړک جوړول او د کابل – لوګر د سړک یوه برخه شامل دي.

همدارنګه په فاریاب، غزني، دایکنډي، بادغیس، بامیان او خوست ولایتونو کې د عمومي روغتونونو جوړول او په بېلابېلو ولایتونو کې د برېښنا رسونې د پاتې چارو بشپړول د دې پروژو برخه ده.
په دې غونډه کې د څلورو پروژو په اړه ټاکل شویو کمېټو ته دنده وسپارل شوه چې د بیو په تړاو له ګټونکو شرکتونو سره خبرې وکړي.

د طالبانو تر واک لاندې د کډوالو ستونزو د رسېدنې عالي د دایمې مېشتېدنې او ځمکو وېش کمېټې ویلي، چې د تیرې یکشنې څخه تر چارشنبې پوري یې په ۹ ولایتونو کې پر راستنو شویو کډوالو باندې ۳۲۱۳۰ ا استوګنیزې نمرې وېشلي دي.

د طالبانو د یادې کمیټې ویلي، چې له دې ډلې یې ۱۲۰۷ نمرې په ننګرهار کې، ۱۰۲۳ نمرې په هلمند، ۱۱۲۱ نمرې په فراه، ۷۱۴ نمرې په کندوز، ۲۰۰ نمرې په سمنګان، ۲۳۲ نمرې په زابل، ۱۲۹ نمرې په غزني، ۱۷۰ نمرې په کندهار او ۵۵ نمرې یې په ارزګان ولایت کې پر راستنو شویو کډوالو وېشلي دي.

طالبانو ویلي، چې له ګاونډیو هېوادونو څخه د راستنېدونکو کډوالو لپاره په بېلابېلو ولایتونو کې د استوګنیزو نمرو وېش لړۍ په چټکۍ سره دوام لري.

په نیمروز ولایت کې د طالبانو د کډوالو رییس عبدالله ریاض د یادې ډلې تر واک لاندې باختر اژانس ته ویلي، چې د ۱۴۰۵ لمریز کال په لومړیو درېیو میاشتو د نیمروز کې د ورېښمو پله له لارې له ایران څخه ۸۳۳۷۳ تنه افغان کډوال راستانه شوي دي.

نوموړي ویلي، چې یاد کډوالو کې کورنۍ او مجرد کسان هم شامل وو.

طالبانو ویلي، چې د راستانه شویو کډوالو له ډلې څخه یې له څه باندې ۳۰ زره بې‌وزله کډوالو سره د کډوالو د نړۍوالو ادارو په همکارۍ د نغدي پیسو او خوراکي توکو مرستې هم کړي دي.

دا په داسې حال کې ده، چې په ورستیو دوو میاشتو کې له پاکستان او ایران څخه یو ځل بیا د افغان کډوالو د جبري راستنېدو بهیر چټک شوی او له یادو هېوادونو څخه نږدې هره ورځ تر ۵۰۰۰ افغان کډوال په جبري توګه افغانستان ته ستنول کېږي.