د کابل ښار له ۱۸ کلونو کم عمر لرونکي د لامبو ټیم ته ۳۰ لوبغاړي ټاکل شوي دي
د طالبانو تر چتر لاندې د المپیک، بدني روزنې او سپورت ریاست وایي چې د کابل ښار د «مجتمع ابي امازون» د لامبو حوض کې د ۱۸ کلونو څخه کم عمره لامبو وهونکو ترمنځ د ټاکنیزو سیالیو له لارې ۳۰ لوبغاړي د کابل ښار د کم عمره لامبو ټیم ته غوره شوي دي.
د یاد ریاست د خبرپاڼې له مخې، په دغو سیالیو کې له ۸ کلونو تر ۱۸ کلونو پورې ماشومانو ګډون کړی و او په څلورو کتګوریو بټر فلای، برست سټروک، فري سټایل او بیک سټروک کې یې سیالۍ ترسره کړې دي.
