د طالبانو تر چترلاندې د کډوالو ستونزو ته د رسېدنې عالي کمېسیون وايي، د جمعې په ورځ ۵۰۶۰افغان کډوال له بېلابېلو لارو افغانستان ته جبري راستانه کړل شوي. دغه کمېسیون ویلي چې یاد کډوال له لومړنیو مرسته وروسته خپلو ولایتونو ته لېږدول شوي.
یاد کمېسیون په خپل ورځني راپور کې ویلي چې د تورخم له لارې ۷۶۵ کورنۍ، چې ټول ۴۱۸۹ تنه کېږي، هېواد ته راستنې او ثبت شوې دي.
همدارنګه د سپین بولدک له لارې ۸۵ کورنۍ، چې ۳۹۳ کسان جوړېږي، افغانستان ته ستنې شوې دي.
په راپور کې ویل شوي چې د نیمروز د ورېښمو پله له لارې ۸۷ کورنۍ، چې ۳۸۹ تنه کېږي، هېواد ته راستانه شوي او همدارنګه ۱۷۲۰ تنه نور مسافر هم هېواد ته داخل شوي دي.
د هرات د اسلامکلا له لارې بیا ۲۴ کورنۍ، چې ۸۹ تنه جوړېږي، افغانستان ته راستنې شوې دي.
د کمېسیون د معلوماتو له مخې، ټول ۹۶۱ کورنۍ او ۵۰۶۰ تنه ثبت شوي له لومړنیو مرستو ورسته خپلو ولایتونو ته لېږدول شوي.
