د طالبانو تر چتر لاندې د دایمي مېشتېدنې او ځمکو د وېش کمېټې ویلي، چې د تېرې اوونۍ په څلورو ورځو کې یې په ۹ ولایتونو کې ۳۲۱۳۰ راستنو شویو کسانو ته د استوګنې نمرې وېشلي دي.
د طالبانو تر واک لاندې د کډوالو ستونزو د رسېدنې عالي د دایمې مېشتېدنې او ځمکو وېش کمېټې ویلي، چې د تیرې یکشنې څخه تر چارشنبې پوري یې په ۹ ولایتونو کې پر راستنو شویو کډوالو باندې ۳۲۱۳۰ ا استوګنیزې نمرې وېشلي دي.
د طالبانو د یادې کمیټې ویلي، چې له دې ډلې یې ۱۲۰۷ نمرې په ننګرهار کې، ۱۰۲۳ نمرې په هلمند، ۱۱۲۱ نمرې په فراه، ۷۱۴ نمرې په کندوز، ۲۰۰ نمرې په سمنګان، ۲۳۲ نمرې په زابل، ۱۲۹ نمرې په غزني، ۱۷۰ نمرې په کندهار او ۵۵ نمرې یې په ارزګان ولایت کې پر راستنو شویو کډوالو وېشلي دي.
طالبانو ویلي، چې له ګاونډیو هېوادونو څخه د راستنېدونکو کډوالو لپاره په بېلابېلو ولایتونو کې د استوګنیزو نمرو وېش لړۍ په چټکۍ سره دوام لري.
