د کابل په سرای شهزاده کې د ډزو خبر ور کړل شوی

د طالبانو د کور او ښارجوړولو وزارت نن د یکشنبې په ورځ د غبرګولي ۳مه ویلي، چې د یادې ډلې د کور او ښارجوړولو وزیر نجیب‌الله حیات حقاني‌ د کونړ د زلزله ځپلو کورنیو د دایمي استوګنې لپاره د یوه ځانګړي او معیاري ښارګوټي تفصیلي پلان تایید او لاسلیک کړ.

طالبانو ویلي، چې یاد ښارګوټی د ننګرهار ولایت د ګمبیري په سیمه کې پر ۱۰۰۰ جریبه ځمکه د ۱۵۱۱ کورنیو لپاره جوړيږي، چې جوماتونه، شنې سیمې، پارکونه، ښوونځی، د عامه خدماتو سیمه، سړکونه او نور اړین تاسیسات به هم پکې وي.

طالبانو پرداسې مهال د کونړ د زلزله ځپلو لپاره په ننګرهار کې د دایمي استوګنې لپاره د ښارګوټي جوړولو خبر ورکړی، چې شاوخوا لس میاشتې وړاندې کونړ یوې شدیدي زلزلې ولړزاوه او له امله یې زرګونه کسان مړه او ټپیان شول او ګڼ نور بې کوره شول.

د وزارت د ډایاک پروګرام مدیر عنایت الله ذوالفقار ویلي، په دې لړ کې یې د هېواد په بېلابېلو ولایتونو کې نږدې پنځه زره میله غیرقانوني وسلې راټولې کړې دي.

هغه زیاته کړې چې د وسلو د راټولولو او ثبت بهیر دوام لري او د غیرقانوني وسلو قانوني کول د امنیت د ټینګښت لپاره مهم ګام بلل کېږي.

ذوالفقار ویلي، د هغو کسانو وسلې به، چې ترې راټولې شوې دي، که قانوني مراحل بشپړ کړي، بېرته ورکړل شي.

د کرمان ولایت د جیرفت د بیړنيو طبي خدماتو مشر ویلي چې دا پېښه د شنبې په شپه شاوخوا ۱:۴۴ بجې د امام رضا کمربندي سړک په هغه سیمه کې شوې چې د «ابوالفضل د تېلو ټانک» ته نږدې ده.

د هغه په وینا، د پېښې خبر تر ترلاسه کولو وروسته د بیړنيو خدماتو امبولانسونه سیمې ته ولېږل شول او ټپیان یې د درملنې لپاره روغتون ته انتقال کړل.

ایراني چارواکي وايي چې پېښه د یوه موټر د چپه کېدو له امله، چې افغان کډوال پکې سپاره وو، شوې ده.

د افغانستان د ازادۍ جبهې نن یکشنبه، د غبرګولي پر ۳مه په یوه خبرپاڼه کې د شنبې په ماښام د کابل ولایت په سروبي ولسوالۍ کې د طالبانو پر یوه اکمالاتي کاروان د برید ادعا کړې ده.

د یادې جبهې په وینا، دغه عملیات د غبرګولي میاشتې په دویمه نېټه شوي او د طالبانو پر ضد د دوی د هدفي بریدونو یوه برخه ده.

ازادۍ جبهې دد برید یوه ویډیو هم رسنیو ته لېږلې ده.

طالبانو تر اوسه ددې برید په اړه څه نه دي ویلي.

ایرنا د ایران سرحدي ځواکونو له قوله لیکلي، چې دغه پیسې له ایران نه د وتونکو سپرلیو او مسافر وړونکو موټرو د پلټنې پر مهال له مسافرو کشف شوې دي.

د معلوماتو له مخې، په دې تړاو ۱۰۷ کسان چې غوښتل یې دا اندازه پیسې په ناقانونه ډول افغانستان ته ولېږدوي، نیول شوي او له کشف شویو پیسو سره یوځای اړوندو قانوني ادارو ته سپارل شوي دي.

ایراني چارواکو دا نه دي ویلي، چې ددغو پیسو لېږدوونکو ته، چې ډېری افغان کارګر او کډوال دي، په بدل کې څه ورکړل شوي او که نه.