کوټه کې پر اورګاډي چاودنه؛ تر دې مهاله شپږ کسان وژل شوي او ۴۰ نور ټپیان دي

د لومړنیو معلوماتو له مخې، چاودنه هغه مهال شوې چې اورګاډی له کینټ سیمې څخه د ښار پر لور روان و او د چمن پاټک نږدې سیمې ته رسېدلی و.

راپورونه وایي چې دا پېښه ښايي ځانمرګی برید وي، خو تر اوسه یې رسمي پخلی نه دی شوی. امنیتي سرچینې همداراز وایي چې د پېښې په ځای کې لا هم ډزې روانې دي او وضعیت ترینګلی دی.

د معلوماتو له مخې، اورګاډی له ګڼو مسافرو ډک و، ځکه د اختر د رانږدې کېدو له امله ګڼ شمېر خلک خپلو کورونو ته روان وو.

چاودنه دومره زوروره وه چې غږ یې تر لرې پرتو سیمو پورې اورېدل شوی او د سیمې اوسېدونکو یې د سختې وېرې او ګډوډۍ راپور ورکړی دی.

بل لور ته، روغتیايي او امنیتي ادارې لا هم د مرګ‌ژوبلې د کره شمېرې په اړه څه نه وايي، خو په ټولو نږدې روغتونونو کې بېړنی حالت اعلان شوی او د ټپیانو د انتقال لپاره امبولانسونه ځای پر ځای شوي دي.

د بلوچستان د کورنیو چارو د ځانګړي سلاکار بابر بوسفزي ویلي، د پېښې په اړه پلټنې روانې دي او د وضعیت د کنټرول لپاره اضافي امنیتي ځواکونه سیمې ته لېږل شوي دي.

چارواکو ویلي، دا عملیات د استخباراتي معلوماتو پر بنسټ د ترهګرۍ ضد څانګې او نورو امنیتي ځواکونو له خوا ترسره شول، چې پکې د وسلوالو پټنځایونه په نښه شوي.

د بلوچستان د ایالتي حکومت ویاند شاهد رند ویلي، عملیات په بریالیتوب ترسره شوي او امنیتي ځواکونو د وسلوالو پر ضد “مسلکي او چټک” اقدام کړی دی.
د نوموړي په وینا، د عملیاتو پر مهال وسلوالو سخت مقاومت وکړ، چې له امله یې درنه نښته رامنځته شوه او څلور امنیتي سرتېري پکې ووژل شول، د نوموړي په وینا، په دغه نښته کې د وژل شویو ترڅنګ ټپیان هم شته.
هغه ټینګار کړی چې د بلوچستان حکومت به د وسلوالو پر ضد عملیاتو ته دوام ورکړي او هیچا ته به اجازه ور نه کړي چې د ایالت امنیت ګډوډ کړي.

تر اوسه کومې وسله والې ډلې ددغه خبر په تړاو رسنیو ته څه ندي ویلي.
په وروستیو کلونو کې بلوچستان د ناامنۍ او وسله‌والو بریدونو له زیاتوالي سره مخ شوی او امنیتي ځواکونه وخت ناوخت د وسلوالو پر ضد عملیات ترسره کوي.

هوتي د شنبې په ورځ (د غبرګولي ۲مه) په خپله اېکس‌پاڼه په خپره کړې ويډیو کې د پاکستان په مرکزي او د تحریک انصاف د خيبرپښتونخوا پر حکومتونو په نیوکو سره وايي، «دا وخت ايالتي او فدرالي حکومتونه بې غوره دي، فدرالي حکومت دا وخت لومړيتوب دې ته ورکوي، چې ايالتونو ته کوم واک ورکړل شوی هغه ترې بېرته واخلي».

هغه وويل، فدرالي حکومت د ايالتونو د بودجې کمولو په هڅه کې دی، «پښتونخوا په خپله برېښنا، په خپل ګاز او خپلو وسايلو واک نه‌لري او چې لږ ډېر یې ترلاسه کړی هغه ترې هم تروړل غواړي».

هوتي د تحريک انصاف پر ايالتي حکومت په نيوکو سره زیاته کړې: «په پښتونخوا کې ډاګيز اداري فساد روان دی، خو د ايالتي حکومت واکمن ځانونه پوره کوي، په تېرو ۱۳ کلونو کې د دوی شتمنۍ سېوا شوې او ايالت قرضداری شوی، د دوی جېبونه ډک شول او د پښتونخوا خزانه خالي شوه».

هغه همداراز څرګنده کړې، چې پښتونخوا کې د نا امنۍ لمن مخ په پراخېدو ده او «ايالتي حکومت هېڅ ډول مسووليت اخېستو ته تيار نه دی. ايالتي حکومت نه د ترهګرۍ پرضد پرېکړو او نه پرې عمل کولو ته چمتو دی».

فدرالي او په خيبرپښتونخوا کې د پاکستان تحریک انصاف حکومت د امير حيدر خان هوتي تورونو ته تراوسه څه غبرګون نه‌دی ښودلی.

خو فدرالي او ايالتي حکومتونه تل ادعاوې کوي، چې پښتونخوا کې د امنیت ټينګښټ لپاره یې اقدامات کړي.

فيصل کريم کنډي د شنبې په ورځ (د غبرګولي ۲مه) په خپله اېکس‌پاڼه ویلي، د پاکستان په اساسي قانون کې په ټول هېواد کې د ازادې او عادلانه سوداګرۍ ضمانت ورکړل شوی، نو د پنجاب او خیبر پښتونخوا ترمنځ هم د ازادې او عادلانه سوداګرۍ موجودیت اړین دی. په «دې تړاو د ايالتونو ترمنځ د غنمو پر لېږد هر ډول مصنوعي بندیز د سختې اندېښنې وړ دی».

هغه زیاته کړه، دغه ډول خنډونه د اساسي قانوني ضمانتونه کمزوري کوي، چې له دې سره کروندګر او عام ولس لاپسې ځپل کېږي.

فيصل کريم کنډي ويلي، د خیبر پښتونخوا د سیاسي او اداري وضعیت، په ځانګړې توګه د غنمو او ګازو د اکمالاتو په برخه کې صوبايي ستونزې یې د خپل سياسي ګوند له مشر بلاول بوټو زرداري سره هم شريکې کړې دي.

د خیبر پښتونخوا حکومت: د دوی په ګاز د پنجاب کارخونې چليږي خو پښتونخوا ته غنم نه‌ورکوي | افغانستان انټرنشنل پښتو

پرون هم د خيبرپښتونخوا د اطلاعاتو او عامه اړيکو وزير شفيع جان ويلي وو، د دوی پر ګاز د پنجاب کارخونې چليږي خو دوی ته له پنجاب څخه غنم نه ورکول کيږي.

حضرت علي په یوه خپور کړي پیغام کې ټینګار کړی چې افغانستان د نیابتي جګړو قرباني نه، بلکې د خپلواک ولس ګډ کور دی. ده ادعا کړې چې پاکستان یو ځل بیا هڅه کوي ځینې مخالفې څېرې او د داعش ډلې سره راټولې او تجهیز کړي څو په افغانستان کې بې‌ثباتي، ګډوډي او سیاسي بحران رامنځته کړي.

هغه زیاته کړې چې افغان ولس د تېرو لسیزو له ترخو تجربو زده‌کړه کړې او دا ډول لوبې به بریالۍ نه شي.

هغه د ډیورنډ په کرښه د پرتو سیمو اوسېدونکو باندې غږ کړی څو د دغو هڅو پر وړاندې ویښ او حساس پاتې شي او د افغانستان د ورانولو لپاره د دوی د نوم او احساساتو څخه ناوړه استفاده و نه شي.
هغه ټینګار کړی چې د ترهګرو ډلو د جوړولو او د داخلي اختلافاتو د ژوندي ساتلو سیاست د هېڅ ګاونډي په ګټه نه دی.

حضرت علي له اسلام‌اباد غوښتي چې د تېرو تجربو زده‌کړه وکړي، د ترهګرۍ او افراطیت له ملاتړ څخه لاس واخلي او د سالم ګاونډیتوب، متقابل احترام او سیمه‌ییز ثبات لاره خپله کړي. ده ویلي که پاکستان ریښتینې مبارزه د ترهګرۍ پر ضد وکړي، سیمه او نړۍ به له ښه امنیته برخمنه شي، او که نه وي، نړۍ ته به یو ځل بیا ثابته شي چې د ترهګرۍ ملاتړ د سیمې او نړیوال امنیت لپاره جدي ګواښ دی.

هغه همدارنګه ډیورنډ کرښه «ملي او تاریخي موضوع» بللې چې د ټول ملت د حاکمیت او تاریخ برخه ده.

د مشرقي جهادي شورا دغه مشر د افغانستان له اوسنیو حاکمانو هم غوښتنه کړې چې خلک د کډوالۍ او بې‌برخلیکۍ ترخو شپو ته نه اړ باسي، بلکې د ملي تفاهم، پراخ سیاسي مشارکت او ملي یووالي لپاره عملي ګامونه پورته کړي، څو ټول وګړي د هېواد په راتلونکې کې ځان شریک احساس کړي او افغانستان د تلپاتې امنیت، ثبات او پرمختګ پر لور ولاړ شي.

نوموړي ټینګار کړی چې افغانستان د ټولو ګډ کور دی او د دې خاورې ساتنه او روښانه راتلونکی د هر افغان ګډ مسؤلیت دی.

هم‌مهاله پر کابل واکمن طالبان هم ادعا لري چې پاکستان په خپله خاروه کې د داعش خراسان ډلې غړو ته پناه ځایونه ورکړي،‌ تجهیز کړي یې دي‌او هلته یې روزنې روانې دي. د طالبانو ویاند ذبیح الله مجاهد ویلي وو، دوی داسې شواهد لري چې پاکستاني پوځ روزل شوي داعش وسله‌وال افغانستان ته ورلېږلي دي.