ایران وايي چې د سپاه پاسداران په اجازه له هرمز تنګي څخه ۳۳ بېړۍ تیرې شوې
د ایران د سپاه پاسداران سمندري ځواکونو اعلان کړی چې په تېرو ۲۴ ساعتونو کې د تېل لېږدوونکو، کانټینر وړونکو او نورو سوداګریزو بېړیو په ګډون ۳۳ بېلابېلې کښتۍ د دوی په اجازه په خوندي توګه له هرمز تنګي څخه تیرې شوې دي.
د ایران ایسنا خبرې اژانس د سپاه پاسداران د سمندري ځواکونو له قوله راپور ورکړی، چې یادې سوداګریزې بیړۍ د یادو ځواکونو له لوري د قانوني اجازې له ترلاسه کولو او همغږۍ وروسته له هرمز تنګي تیرې شوې دي.
د سپاه پاسداران ځواکونو ټینګار کړی، چې د امریکا له بریدونو وروسته، په هرمز تنګي کې د رامنځته شویو ناامنیو له امله، د یاد تنګي کنټرول د دوی د ځواکونو له لوري په جدي توګه دوام لري.
