د کابل سیلو ژرنده بېرته فعاله شوې

د طالبانو د بهرنیو چارو وزارت ویاند له لوري په خپره شوې خبرپاڼه کې د برید د قربانیانو کورنیو سره خواخوږي ښودل شوې ده.

د پاکستان په بلوچستان ایالت کې د یکشنبې په ورځ د امنیتي سرتیرو او د هغوی د کورنیو پر یوه لېږدوونکي اورګاډي د بمي چاودنې له امله ۲۴ کسان مړه او ۷۰ نور ټپیان دي.

د یاد برید مسوولیت د بلوڅ ازادۍ پوځ وسله‌والې ډلې منلی دی او دايې ځانمرګی برید بللی دی.

د رویټرز د راپور له مخې، په دغو بریدونو کې د استوګنې ودانۍ، ښوونځي او نور ملکي تاسیسات سخت زیانمن شوي دي. د کییف ښاروال ویلي چې دا ډېره سخته شپه وه او د ژغورنې ډلې لا هم د اورونو د مهارولو بوختې دي.

د راپورونو له مخې روسیې شاوخوا ۹۰ توغندي او ۶۰۰ ډرونونه توغولي او هایپرسونیک توغندی “اورشنیک” هم د کیف ترڅنګ کارول شوی دی.

د اوکراین ولسمشر ولادیمیر زیلینسکي ویلي چې دا بریدونه باید بې ځوابه پاتې نه شي او له امریکا او اروپایي هېوادونو یې د جدي اقدام غوښتنه کړې ده.

سیمه ییزو سرچینو نن یکشنبه د غبرګولي پر ۳مه افغانستان انټرنشنل ته وویل، چې په دغه برید کې د الله ګل مجاهد د زوی احسان الله ترڅنګ، د هغه یو ساتونکی، مېرمن او یو بل تن هم وژل شوي دي.

د الله ګل مجاهد د کورنۍ یو غړي افغانستان انټرنشنل ته وویل، چې د احسان الله جسد اوس مهال د کابل په عدلي طب کې دی او څو شیبې وروسته به یې مړی کورنۍ ته وسپارل شي.

د کورنۍ یوه غړي یې وویل:« احسان الله په خوله او خېټه کې په ډزو لګېدلی دی او جنازه یې سبا د کابل د ده سبز په خوجه چاشت سیمه کې کیږي.»

سرچینې ی تاییدوي چې د جګړې پرمهال د مقابل لوري یو کس هم وژل شوی دی او یو تن یې ژوندی نیول شوی دی.

دوی زیاتوي چې دوی شخصي دښمني لري.

نن سرچینو د کابل په شهزاده سرای کې د ډزو خبر ور کړی و.

درې عیني شاهدانو ویلي و،چې یوه وسله وال کس په سرای شهزاده کې پر څو کسانو د کلاشنکوف ډزې وکړې او بیا له سیمې وتښتېد. سرچینو په برید کې د مرګ ژوبلې خبر هم ور کړی و.

د طالبانو د بهرنیو چارو وزارت نن یکشنبه، د غبرګولي پر ۳مه وویل، چې په دې لیدنه کې دواړو لوریو د افغانستان او جاپان ترمنځ د دوه‌اړخیزو اړیکو پر پراختیا او د بشري مرستو پر دوام خبرې وکړې.

د طالبانو د بهرنیو چارو وزارت د معلوماتو له مخې، متقي په دې کتنه کې د روانو سیمه‌ییزو تحولاتو او د دوه‌اړخیزو اړیکو پر اهمیت ټینګار کړی او ویلي یې دي، چې جاپان د افغانستان په سیاست کې مهم ځای لري او له افغانانو سره یې په بېلابېلو برخو کې مرسته کړې ده.

په ورته وخت کې د جاپان سفیر کینیچي ماساموتو څرګنده کړې چې هېواد یې له افغانستان سره په بېلابېلو برخو کې د همکاریو او مرستو دوام ته ژمنتیا لري.

د طالبانو د بهرنیو چارو وزارت وايي، دواړو لوریو د دوه‌اړخیزو اړیکو پر لا پراختیا او په بشري برخو کې د همغږۍ پر پیاوړتیا ټینګار کړی او د متقابل تعامل او د تخنیکي غونډو پر دایرولو یې هم موافقه کړې ده.

که څه هم جاپان د طالبانو اداره په رسمیت نه پېژني خو سفیر یې په کابل کې دی او له طالب چارواکو سره وخت ناوخته لیدنې کوي.

اریانا افغان هوايي شرکت د یکشنبې په ورځ، د غبرګولي ۳مه وویل، چې له دې وروسته به د کابل او ډیلي ترمنځ هره ورځ دوه طرفه الوتنې کېږي.

یاد هوايي شرکت ویلي، چې د کابل ـ ډیلي ترمنځ د ورځنیو الوتنو پیل به د سوداګرۍ، درملنې، زده‌کړو او کورنیو سفرونو لپاره د خلکو تګ راتګ لا اسانه او چټک کړي.

د طالبانو تر واک لاندې اریانا افغان هوايي شرکت پر داسې مهال د کابل او ډیلي ترمنځ د الوتنو د ډېرېدو خبر ورکړی، چې په دې وروستیو کې د طالبانو او هند ترمنځ اړیکې پراخې شوې دي.