طالبان د کونړ زلزله ځپلو لپاره د ننګرهار په ګمبیري دښته کې ښارګوټی جوړوي

د وزارت د ډایاک پروګرام مدیر عنایت الله ذوالفقار ویلي، په دې لړ کې یې د هېواد په بېلابېلو ولایتونو کې نږدې پنځه زره میله غیرقانوني وسلې راټولې کړې دي.

هغه زیاته کړې چې د وسلو د راټولولو او ثبت بهیر دوام لري او د غیرقانوني وسلو قانوني کول د امنیت د ټینګښت لپاره مهم ګام بلل کېږي.

ذوالفقار ویلي، د هغو کسانو وسلې به، چې ترې راټولې شوې دي، که قانوني مراحل بشپړ کړي، بېرته ورکړل شي.

د کرمان ولایت د جیرفت د بیړنيو طبي خدماتو مشر ویلي چې دا پېښه د شنبې په شپه شاوخوا ۱:۴۴ بجې د امام رضا کمربندي سړک په هغه سیمه کې شوې چې د «ابوالفضل د تېلو ټانک» ته نږدې ده.

د هغه په وینا، د پېښې خبر تر ترلاسه کولو وروسته د بیړنيو خدماتو امبولانسونه سیمې ته ولېږل شول او ټپیان یې د درملنې لپاره روغتون ته انتقال کړل.

ایراني چارواکي وايي چې پېښه د یوه موټر د چپه کېدو له امله، چې افغان کډوال پکې سپاره وو، شوې ده.

د افغانستان د ازادۍ جبهې نن یکشنبه، د غبرګولي پر ۳مه په یوه خبرپاڼه کې د شنبې په ماښام د کابل ولایت په سروبي ولسوالۍ کې د طالبانو پر یوه اکمالاتي کاروان د برید ادعا کړې ده.

د یادې جبهې په وینا، دغه عملیات د غبرګولي میاشتې په دویمه نېټه شوي او د طالبانو پر ضد د دوی د هدفي بریدونو یوه برخه ده.

ازادۍ جبهې دد برید یوه ویډیو هم رسنیو ته لېږلې ده.

طالبانو تر اوسه ددې برید په اړه څه نه دي ویلي.

ایرنا د ایران سرحدي ځواکونو له قوله لیکلي، چې دغه پیسې له ایران نه د وتونکو سپرلیو او مسافر وړونکو موټرو د پلټنې پر مهال له مسافرو کشف شوې دي.

د معلوماتو له مخې، په دې تړاو ۱۰۷ کسان چې غوښتل یې دا اندازه پیسې په ناقانونه ډول افغانستان ته ولېږدوي، نیول شوي او له کشف شویو پیسو سره یوځای اړوندو قانوني ادارو ته سپارل شوي دي.

ایراني چارواکو دا نه دي ویلي، چې ددغو پیسو لېږدوونکو ته، چې ډېری افغان کارګر او کډوال دي، په بدل کې څه ورکړل شوي او که نه.

د کندهار ښاروالۍ د تنظیف برخې یو شمېر قراردادي کارکوونکو افغانستان انټرنشنل ته ویلي، چې له تېرو دوو میاشتو راهیسې معاشونه نه دي ورکړل شوي.

یاد کارګر چې ډیری یې د کندهار او یوه برخه یې د نورو ولایتونو اوسېدونکي دي، وايي، که معاشونه ور نه کړل شي، ښايي اختر له کورنیو پرته په کندهار کې تېر کړي.

د غلام غوث په نوم د زابل یو اوسېدونکی چې د کندهار ښاروالۍ د تنظیف په امریت کې د قراردادي کارګر په توګه کار کوي، وايي:« دوه میاشتې کېږي چې زموږ معاشونه نه دې راکول شوي. اوس که معاش رانه کړي، نو اختر لپاره کور ته نه شم تلی ځکه پیسې نه لرم، زما ټوله تمه همدې خپل معاش ته وه».

دغه قراردادي کارګران په کندهار ښار کې په بېلابېلو پروژو کې کار کوي او د کندهار ښاروالۍ د اصولو له‌مخې باید هره ورځ ۳۰۰ افغانۍ معاش ورکړل شي، خو دوی وايي، چې ښاروالۍ ورسره جوړجاړی کړی او د هرې ورځې پر ځای یې مخکې هره میاشت معاش ورکاوه.

یو شمېر کارګران وايي، چې په دغه معاش یې څو کسیزې کورنۍ ساتلې، خو د نامعلوم دلیل له‌امله یې اوس معاشونه ځنډول شوي دي.

د کندهار د میوند ولسوالۍ اوسېدونکی شیراحمد وايي:«که مې معاش واخلم، باید نن یا سبا کور ته لاړ شم، د اختر لپاره چمتووالی ونیسم، ټوله کورنۍ مې ماته په تمه ده. خو موږ څو ځله د تنظیف امریت ته ورغلي یو، هغوی تر اوسه موږ ته قناعت راکوونکی ځواب نه دی راکړی».

یاد کارګران وايي، وروستی ځل یې معاش په وري میاشت کې اخیستی دی او له هغه وروسته یې معاش نه دی ورکړل شوی.

د یادو کارګرانو شمېر سلګونو کسانو ته رسیږي.

افغانستان انټرنشنل هڅه وکړه، چې یادو کارګرانو د معاشونو د ستونزې په اړه د کندهار ښاروالۍ نظر ترلاسه کړي، خو بریالی نه شو.