اکسیوس: ټرمپ له عربي او اسلامي هېوادونو څخه د ابراهیمي تړون د پراخېدو غوښتنه کړې
امریکایي رسنۍ اکسیوس د دوو امریکایي چارواکو له قوله راپور ورکړی، چې د امریکا ولسمشر ډونالډ ټرمپ د څو عربي او اسلامي هېوادونو له مشرانو غوښتي، که له ایران سره د جګړې د پای ته رسولو تړون وشي، نو دغه هېوادونه دې له اسراییل سره د سولې «ابراهیمي تړون» ته ورګډ شي.
د راپور له مخې، ټرمپ دا څرګندونې د شنبې په ورځ په یوه ګډهټیلیفوني اړیکهکې کړې، چې په کېد سعودي عربستان، متحده عربي اماراتو، قطر، پاکستان، ترکیې، مصر، اردن او بحرین مشران شامل وو.
اکسیوس لیکي چې دا څرګندونې ښيي ټرمپ غواړي د ایران له جګړې وروسته په منځني ختیځ کې د پراخ سیاسي بدلون لپاره بل مهم ګام پورته کړي.
د راپور په وینا، ټرمپ له دغو مشرانو سره د ایران په تړاو د روانو مذاکراتو په اړه هم خبرې کړې دي.
امریکایي سناتور لیندسي ګراهام، چې د اکسیوس له مخې د ابراهیمي تړونونو د پراخېدو له کلکو ملاتړو څخه دی، ویلي که دغه هېوادونه د سولې بهیر کې شامل شي، نو دا به د منځني ختیځ په تاریخ کې یو له تر ټولو مهمو توافقونو څخه وي.
ګراهام ټینګار کړی چې د سیمهییزو هېوادونو ګډون کولای شي د ایران او اسراییلترمنځ د کړکېچ د کمېدو لپاره مهم رول ولوبوي.
