د ایران د بهرنیو چارو وزارت ویاند اسماعیل بقایي د امریکايي چارواکو بېلابېلو څرګندونو ته په اشارې ویلي، هېڅوک ادعا نهشي کولی چې ایران او امریکا یوې هوکړې ته نږدې شوي دي. هغه زیاته کړه: «ایران دامهال د خبرو اترو پر بهیر تمرکز کړی دی».
هغه وایي:« هېڅوک ادعا نهشي کولی، چې موږ یوې هوکړې ته نږدې شوي یو؛ ځکه د امریکایي چارواکو د دریځونو پرلهپسې بدلونونه هر ډول خبرې له ستونزو سره مخ کوي». بقایي وایي: «تهران ته د پلاوو سفرونه یا متقابل سفرونه د اړتیا په صورت کې ترسره کېدای شي؛ خو اوسمهال پاکستان ته د سفر یا ایران ته د پاکستاني پلاوي د سفر کومه طرحه نهده جوړه شوې».
دا په داسې حال کې ده، چې ډونالډ ټرمپ تر دې وړاندې ویلي وو که څه هم تر اوسه له ایران سره هوکړه نهده وروستۍ شوې؛ خو که دغه تړون وشي، نو دا به «ښه او سمه» هوکړه وي. هغه دا هم ویلي و، چې ښایي د یادې هوکړې متن د یکشنبې ورځې تر پایه وروستی شي.
