د بلوچستان په قلات کې د یوې ټرافیکي پېښې له امله د ښځو او ماشومانو په ګډون ۶ کسان مړه شوي
د بلوچستان په قلات کې د کراچۍ-کوټې پر لویه لار د ټول پلازې ترڅنګ د یوې ټرافیکي پېښې له امله د دوو ښځو او دوو ماشومانو په ګډون شپږ کسان مړه او د موټر چلوونکي په ګډون دوه نور ټپیان شوي دي. د پولیسو په وینا؛ د یادې پېښې قربانیان د بلوچستان د پښین ولسوالۍ اوسېدونکي دي.
ځایي پولیس وایي، د یادې پېښې ټپیان او مړي د قلات ولسوالۍ مرکزي روغتون ته لېږدول شوي دي.
