جرمني د روسیې سفیر احضار کړی دی

د شهباز شریف د چین د سفر په پای کې په خپره شوې ګډه اعلامیه کې ویل شوي چې پاکستان چینايي لوري ته د جمو او کشمیر د وضعیت د وروستیو بدلونونو په اړه معلومات ورکړي دي.

چین هم ویلي چې د جمو او کشمیر شخړه یوه تاریخي پاتې مسئله ده او باید د ملګرو ملتونو د منشور، د امنیت شورا د اړوندو پرېکړه‌لیکونو او د دواړو هېوادونو د دوه‌اړخیزو هوکړو له مخې په سوله‌ییز ډول حل شي.

د هند د بهرنیو چارو وزارت ویاند رندیر جیسوال د سې شنبې په ورځ ویلي، د جمو او کشمیر او لداخ قلمرونه د هند «نه بېلېدونکې او بشپړې برخې» دي او هېڅ بل هېواد د دې سیمو په اړه د نظر څرګندولو حق نه لري.

د هند د بهرنیو چارو وزارت په اعلامیه کې راغلي: «د هند دریځ ثابت او اړوندو لورو ته ښه معلوم دی. د جمو او کشمیر او لداخ قلمرونه پخوا هم، اوس هم او راتلونکې کې به هم د هند نه بېلېدونکې او بشپړې برخې وي. هېڅ بل هېواد د دې موضوع په اړه د نظر څرګندولو قانوني صلاحیت نه لري».

هغه د چین ـ پاکستان اقتصادي دهلېزاړوند پروژو ته په اشارې ویلي، هند د هغو اقداماتو مخالفت کوي چې د پاکستان «غیرقانوني او جبري اشغال» ته مشروعیت ورکوي. د نوموړي په وینا، دا موضوع څو ځله چینايي او پاکستاني چارواکو ته رسول شوې ده.

جیسوال همداراز د چین او پاکستان ترمنځ د «سرحدونو هاخوا د اوبو د سرچینو د همکارۍ» یادونه هم بې‌اساسه بللې او ویلي یې دي چې چین او پاکستان ګډه پوله نه لري.

هند یو ځل بیا ټینګار کړی چې د ۱۹۶۳ کال د چین او پاکستان سرحدي تړون نه مني او هغه د خپل حاکمیت او ځمکنۍ بشپړتیا خلاف ګڼي.

د کرملین د رسمي ویب‌پاڼې له مخې، دا غوښتنه د روسیې د لویو صنعتکارانو او سوداګرو د ټولنې مشر الکساندر شوخین کړې ده.

هغه ویلي چې روسي صنعت، په ځانګړي ډول د تېلو تصفیې کارخونې، د تېلو زېرمې، د سرې تولیدي فابریکې او بندرونه، سږ کال د ډرون بریدونو له ډېرېدو سره مخ دي.

شوخین ویلي چې شرکتونه درندو وسلو، الکترونیکي جنګي سیستمونو، لیزري وسایلو او نورو دفاعي تجهیزاتو ته اړتیا لري.

هغه وړاندیز کړی چې خصوصي شرکتونه د دې تجهیزاتو د پېرلو لپاره لګښت ورکولو ته چمتو دي، خو اړتیا ده چې د تمویل لپاره یو روڼ میکانیزم جوړ شي.

شوخین همداراز له پوتین غوښتنه کړې چې د هغو شرکتونو د مالیاتو او نورو دولتي تادیاتو جریمې معاف شي، چې په بریدونو کې زیانمنې شوې دي.

د رویټرز خبري اژانس د راپور له مخې، دغه ښځه وایي چې د اختر لپاره یې څرب کړي پسونه سهار وختي د اسراییلي میشتځایونو اوسېدونکو وړي دي.

هغه وایي چې د رمې ساتونکي سپي یې د شپې وژل شوي او بیا یې پسونه غلا شوي دي.

هغې زیاته کړې، « دا زموږ د ژوند یوازینۍ سرچینه ده. زه او مېړه مې د همدې پسونو له عایده ژوند کوو. اوس زه د مېړه د درملنې لپاره هم څه نه لرم».

د راپور له مخې، د هغې مېړه د سرطان ناروغي لري او د پسونو غلا یې اقتصادي وضعیت لا خراب کړی دی.

د مسافر یطا اوسېدونکي وایي چې په سیمه کې پر شپنو بریدونه زیات شوي دي.

رویټرز د ویډیو له لارې تایید کړې چې مخپټي کسان د شپې له خوا پسونه له فارم څخه وړي او د موقعیت تایید یې د سپوږمکۍ انځورونو او پخوانیو معلوماتو له لارې کړی دی.

اسراییلي پوځ ویلي چې ځواکونو یې په سیمه کې حضور درلود، خو د پېښې پر مهال یې کوم اسراییلی نه دی لیدلی او موضوع یې پولیسو ته سپارلې ده.

د فلسطین د کرنې وزارت د یوه ویاند په وینا، د ۲۰۲۶ کال له پیل راهیسې شاوخوا ۴۰۰۰ څاروي اسراییلیانو وړي او فلسطیني بزګران له ۵ میلیون ډالرو څخه زیات زیان سره مخ شوي دي.

دغه څرګندونې داسې مهال کېږي، چې امریکایي چارواکي وایي له ایران سره د لومړنۍ هوکړې لپاره خبرې روانې دي. بلخوا د امریکا د بهرنیو چارو وزیر مارکو روبیو ویلي، چې تېره ورځ په قطر کې خبرې روانې وې او زیاته کړې یې ده: «د لومړنۍ هوکړې د متن پر سر لا هم خبرې اترې روانې دي».

روبیو همداراز ویلي، چې د هوکړې د متن وروستي کول ښايي «څو ورځې وخت ونیسي». د دوشنبې په شپه الجزیرې راپور ورکړ، چې د قطر منځګړیتوب د امریکا او ایران ترمنځ د تهران د کنګل شویو شتمنیو په اړه یوې هوکړې ته د رسېدو لامل شوی دی.
سرچینې زیاتوي، چې د دغه موضوع د اهمیت له امله ښايي ډېر ژر د امریکا او ایران ترمنځ رسمي هوکړه اعلان شي. ورته مهال د امریکا د مرکزي قوماندانۍ (سنټکام) ویاند ټیم هاوکینز ویلي، چې امریکایي پوځ د دوشنبې په ورځ هرمز تنګي ته نږدې په ایران کې ځینې موخې په نښه کړې دي. د ایران دولتي رسنیو بیا د سپاه پاسداران د یوشمېر غړو د وژل کېدو راپور ورکړی دی. هاوکینز ټینګار کړی: «د امریکا مرکزي قومانداني له خپلو ځواکونو سره د دفاع په حال کې ده او همداراز د روان اوربند پرمهال له زغم څخه کار اخلي».

د امریکا د بهرنیو چارو وزیر د سپاه پاسداران د توغندیو د توغولو ځایونه او کښتیو پر ضد د عملیاتو په اړه ویلي: «د هرمز تنګی باید پرانیستی پاتې شي او په هر حالت کې به پرانیستی وي».

هغه د برید د عاملینو پېژندلو او عدالت ته د راکاږلو غوښتنه وکړه. دوجارېک همداراز د پاکستان له خلکو او حکومت سره د ملګرو ملتونو پر پیوستون او ملاتړ ټینګار وکړ.

د یکشنبې په سهار د پاکستان په سوېل لوېدیځ د بلوچستان په مرکز کوټه کې د پاکستاني سرتېرو پر لېږدونکي اورګاډي د موټر بم برید وشو، چې شاوخوا ۲۴ کسان په‌کې ووژل شول او تر ۵۰ ډېر ټپیان شول.

د بلوڅانو د ازادۍ پوځ چې یوه بېلتون غوښتونکې ډله ده، د دغه برید مسوولیت یې په غاړه اخیستی دی. الجزیرې راپور ورکړی، چې د اورګاډي پټلۍ ته نږدې ګڼ کورونه او ودانۍ سختې زیانمنې شوې دي.
پر خواله رسنیو خپرو شویو انځورونو کې د اورګاډي سوځېدلي واګونونه هم ښکاري، چې چپه پراته دي او د تورو لوګیو ګڼې څپې یې اسمان ته پورته کېږي. د پاکستاني رسنیو د راپورونو له مخې؛ په دغه پېښه کې د پاکستان شاوخوا درې سرحدي پولیس هم وژل شوي دي؛ خو ډېری قربانیان ملکي وګړي دي، چې په‌کې لارویان، مساپر او د چاودنې ځای ته نږدې د سیمې اوسېدونکي شامل دي.

له دې پېښې وروسته د کوټې ښار په ټولو لویو دولتي روغتونونو کې بېړنی حالت اعلان شوی او روغتیايي کارکوونکي په بېړني ډول خپلو دندو ته راغوښتل شوي. افغان طالبانو هم دغه برید غندلی دی.