قطر هوکړې ته د رسېدو لپاره تهران ته د ۱۲ مېلیارد ډالرو وړاندیز په اړه راپورونه رد کړل
د قطر د بهرنیو چارو وزارت ویاند د دوحې د هغه وړاندیز په اړه راپورونه رد کړل، چې له امریکا سره د یوې هوکړې ترلاسه کولو په موخه تهران ته د ۱۲ مېلیارد ډالرو د شتمنیو ازادولو د وړاندیز ادعا پهکې شوې وه. نوموړي دغه ادعاوې د اوسنیو ډیپلوماتیکو هڅو د تخریب هڅه وبلله.
د قطر د بهرنیو چارو وزارت ویاند ماجد الانصاري پر اېکس پاڼه لیکلي: «ایران ته د یوې هوکړې د تضمین لپاره د قطر لهخوا د ۱۲ مېلیارد ډالرو وړاندیز په اړه راپورونه ناسم دي». هغه وویل، دغه ادعاوې د هغو لوریو لهخوا خپرېږي چې غواړي «د سیمې د ټیکاو او د کړکېچ د کمښت لپاره روانې ډیپلوماتیکې هڅې کمزورې کړي».
الانصاري زیاته کړه، چې له سیمهییزو شریکانو سره یوځای د قطر د منځګړیتوب رول «ښه ثابت شوی او په عامه توګه مستند شوی» او دغه راپورونه «د باور وړ نړۍوالې سولې تسهیل کوونکي» په توګه د دوحې باور ته د زیان رسولو هڅه ده.
