سلوانیا له طالبانو سره د ماین پاکۍ او روغتیايي کلینیکونو د ملاتړ پر دوام خبرې کړې دي

د طالبانو د ریاست الوزرا د اداري معاونیت دغه مکتوب دوه اونۍ وړاندې ددې ډلې د معاشاتو او تشکېلاتو د تنظیم کمېسیون له خوا تایید شوی دی.

د مکتوب د متن له مخې ، په ټول افغانستان کې د طالبانو د دیني مدرسو د مدرسینو معاش لوړ شوی دی.

طالبانو د معاشونو د اضافه کولو دلیل «د پوهنې کیفیت لوړول او د راتلونکي نسل ښه روزل» بللي دي.

د وړاندیز د طالبانو رییس الوزرا ملامحمد حسن اخوند هم لاسلیک کړی دی.

طالبانو له بیاځلي واک ته رسېدو وروسته په هر ولایت او ولسوالیو کې دیني او جهادي مدرسې جوړې کړې دي.

تېرکال د طالبانو ویاند ذبیح‌الله مجاهد ویلي وو، چې د یادې ډلې د پوهنې وزارت تر چتر لاندې دا مهال په افغانستان کې تر ۲۰زره ډېرې مدرسې فعالې دي. د هغه په وینا، شاوخوا دوه نیم میلیونه زده‌کوونکي په دغو مدرسو کې دیني زده کړې کوي.

طالبانو د خپلو دیني ښوونکو یا هم مدرسینو شمېر نه دی ښودلی.

د شنونکو په باور، دې ډلې واک ته له بیا رسېدو وروسته خپل ډېر تمرکز په جهادي مدرسو، جوماتونو او د دیني بنسټونو پر جوړولو کړی خو له دې سره سره، نړۍوالو او د بشري حقونو بنسټونو د مدرسو د شمېر دېرېدو په اړه اندېښنه څرګنده کړې ده.

په ورته وخت کې د ښوونځیو ښوونکي نیوکه کوي، چې طالبان یې معاشونه په ځنډ ور کوي.

د افغانستان انټرنشنل د یو راپور پر بنسټ د هېواد زرګونه ښوونکي له دوو میاشتو راهیسې د خپلو معاشونو د نه ترلاسه کولو له امله له سخت اقتصادي فشار سره مخ دي.

سرچینې وایي چې د طالبانو د مشر ملاهبت الله اخوندزاده د دفتر په ولایتونو کې مدرسو ته د اختر په مناسبت مېلیونونه افغانۍ ځانګړې کړې دي.

د طالبانو د ارشاد، حج او اوقافو وزارت د سې شنبې په ورځ وویل، چې د ذوالحجې میاشتې د نهمې نېټې (د عرفې ورځې) په رارسېدو سره افغان حاجیان چې له وړاندې د ترویه په ورځ له مکې مکرمې څخه منی ته لېږدول شوي وو، د عبادتونو له ترسره کولو وروسته نن سهار په موټرو کې عرفات میدان ته ولېږدول شول.

د وزارت د معلوماتو له مخې، حاجیان په منی کې د پنځه وخته لمونځونو تر کولو، ذکر، تلبیې او دعاوو وروسته د حج د لوی رکن (وقوف عرفه) د ادا کولو لپاره عرفات ته انتقال شول.

یاد وزارت ویلي، چې د دغه بهیر د تنظیم چارې ددوی د ساحوي کمېټو او د سعودي عربستان د اړوندو ادارو او خدماتي شرکتونو ترمنځ د همغږۍ له مخې پرمخ تللې دي.

وزارت ویلي، چې افغان حاجیان په عرفات میدان کې خپلو ځانګړو خیمو ته رسېدلي دي.

د طالبانو د ارشاد، حج او اوقافو وزارت ویلي چې حاجیان به د لمر تر پرېوتو پورې د عرفات په میدان کې وي.

په ورته وخت کې ځینو افغان حاجیانو شکایت کړی، چې ددوی د استوګنې سیمې له مسجدالحرام نه لرې دي او دوی ته په تګ او راتګ کې ګڼې ستونزې وي.

د طالبانو د کندهار په ښاروالۍ کې سرچینو نن سې شنبه د غبرګولي پر ۵مه وویل، چې دغه۶۱ مړي د روان ۱۴۰۵ کال د غويي پر ۱۵ مه نېټه ښخ شوي دي.

طالبانو تراوسه ددې مړو د هویت په اړه څه نه دي ویلي او نه هم دوی د مړو ښخولو په اړه څه ویلي دی.

د طالبانو د کندهار ښارولۍ له دې وړاندې هم په دغه ولایت کې د لا وارثه کسانو مړي په هدیرو کې ښخ کړي دي.

تېرکال طالبانو ویلي و، چې ۲۰ تنه لاوارثه مړي یې ښخ کړي دي خو ددغو مړو د هویت او مړینې د څرنګتیا په اړه جزئیات له رسنیو پټ ساتلي دي.

100%

نړیوالو بشري بنسټونو اندېښنه ښودلې چې د طالبانو له بیاځلي واکمنېدو وروسته دې ډلې د افغانستان د تېر حکومت امنیتي ادارو ګڼ غړي په مرموز ډول وژلي او یا هم زنداني کړي دي.

د تېر جمهوریت پرمهال هم ښاروالۍ د لاوارثه کسانو مړي او د کندهار مېرویس روغتون په سړوخونو کې تر اوږدې مودې پاتې کېدونکي مړي په هدیرو کې ښخول.

یو عیني شاهد، چې له دې هدیرې یې ویډیو ثبت کړې ده، ویلي، چې دا هدیره د کندهار ښار په څنډه کې موقعیت لري.

ددغو مړو پر ډبرلیکونو د « اسلامي امارت» او ښاروالۍ نومونه او دغه راز کوډ شمېرې او نېټې لیکل شوې دي، خو د مړو د هویت په اړه جزئیات نه دي ورکړل شوي.

دا هم روښانه نه ده، چې دغه مړي په جګړو کې د طالبانو وژل شوي سرتېري دي او که لا وارثه کسان دي، چې له روغتونونو دلته لېږدول شوي دي.

تاس خبري اژانس د سې‌شنبې په ورځ (د غبرګولي ۵مه) راپور ورکړی، چې نوموړي دغه څرګندونې د ګډو ګټو هېوادونو (CIS) د امنیتي او ځانګړو خدمتونو ادارو د مشرانو په غونډه کې کړې دي. هغه ویلي، د داعش خراسان څانګه له هغې سره تړلې جهادي ډلې او د طالبانو وسله‌وال مخالفین د برېتانیا د استخباراتو په ملاتړ د طالبانو د حکومت د کمزوري کولو هڅې کوي.

هغه ادعا کړې، دغه ډلې هڅه کوي د طالبانو له کنټرول څخه بهر سیمې پراخې کړي چې د افغانستان په شمال کې د لا زیات نفوذ زمینه برابره کړي. د روسیې د استخباراتو مشر خبرداری ورکړی، چې داعش خراسان ډله د منځنۍ اسیا له هېوادونو لکه تاجکستان، ازبکستان، قرغزستان او قزاقستان جنګیالیو په جذب بوخته ده.
د هغه په وینا؛ یادې ډلې پټې «ترهګرې» شبکې جوړې کړې او د سیمې په هېوادونو کې د بریدونو پلانونه جوړوي. بورتنیکوف زیاته کړې، چې روسیې د تاجکستان او ازبکستان له امنیتي ادارو سره په ګډه همکارۍ په روسیه کې د څو «ترهګریزو» بریدونو مخه نیولې ده.

هغه د خبرو پر دوام د طالبانو له حکومت سره د ترهګرۍ ضد همکاریو پر پراختیا ټینګار کړی او ویلي یې دي، چې د سیمې امنیت د افغانستان ټیکاو او د کابل او اسلام‌اباد ترمنځ اړیکو پورې تړلی دی.

د طالبانو له بیا واکمنۍ راهیسې په افغانستان کې د داعش خراسان ډلې د حضور او فعالیتونو راپورونه او همداراز د مقاومت او ازادۍ جبهو له لوري د طالبانو پر ضد وسله‌وال فعالیتونه د یادې ډلې لپاره له مهمو امنیتي ننګونو بلل کېږي.
د یادونې وړ ده، چې په دې وروستیو کې د پاکستان سره د یادې ډلې راغلي کړکېچونه هم یو له مهمو امنیتي اندېښنو شمېرل کېږي.

ښوونکي بیا دغه ډول ناوخته اقدامات یوازې د خلکو د غوسې د کنټرول هڅه یادوي. په کندهار کې د طالبانو پوهنې ادارې رسنیز دفتر پر فېسبوک پاڼه په یوې خبرتیا کې ښوونکو ته په خطاب لیکلي: «که ستاسو معاشات تر اوسه نه‌وي‌ حواله شوي؛ نو مهرباني‌ وکړئ ریاست ته تشریف راوړئ، د پوهنې ریاست او مستوفیت د کنټرول درانه همکاران ستاسو په خدمت کې دي».

په کندهار کې ګڼ شمېر ښوونکي وایي، که څه هم دوی ته د پوهنې ادارې له لوري د حاضرېدو ویل شوي؛ خو عملي امکانات ډېر کم دي، چې د لوی اختر تر رارسېدو مخکې دې تنخواوې ورکړل شي.

د دوی په خبره؛ دغه ډول ناوخته اقدامات یوازې د خلکو د غوسې د کنټرول هڅه ده، نه د ستونزې بنسټیز حل. یو ښوونکی په دې اړه وایي: «موږ ته د اختر په وروستۍ شپه خبر راکول کېږي، چې ریاست ته راشئ خو معاشات په یوه ورځ نه اجرا کېږي. که د حکومت نیت رښتینی وای؛ نو دغه غم به یې له مخکې خوړلی وای دا هسې رشخند دی».

ښوونکي شکایت کوي، چې د تنخواوو دوامداره ځنډ د دوی اقتصادي او رواني ژوند سخت اغېزمن کړی دی. د دوی په خبره؛ داسې مهال چې نور خلک د اختر تیاری نیسي، دوی لاهم د کور د لومړنیو اړتیاوو د برابرولو توان نه‌لري.

یو بل ښوونکی وایي: «ماشومان مو د جامو او نورو توکو غوښتنه کوي؛ خو موږ د کور د خوراک لپاره پور اخلو او پور هم اوس څوک نه راکوي. دا زموږ لپاره یوازې اقتصادي ستونزه نه؛ بلکې د عزت او ابرو مسله هم ده».

په خواله رسنیو کې هم ګڼو ښوونکو او فعالانو د پوهنې ریاست پر چلند سختې نیوکې کړې دي. دوی لیکلي، د تنخواوو ستونزه باید مخکې حل شوې وه؛ نه دا چې د اختر په شپه د ښوونکو نوملړونه ترتیب او خلک ریاستونو ته وروغوښتل کېږي.

د راپورونو له مخې؛ په داسې حال کې چې ځینو مدرسو ته د اختر په مناسبت ځانګړې مرستې او نغدې پیسې ورکړل شوې، د دولتي ښوونځیو ډېری ښوونکي لا هم د خپلو عادي تنخواوو په تمه دي؛ خو یو شمېر ته یې تنخواوې حواله شوې دي.

د دوی په باور؛ کله چې د یوې ټولنې ښوونکي له اقتصادي فشار، بې‌باورۍ او دوامداره ځنډونو سره مخ وي، نو د زده‌کړو کیفیت هم اغېزمن کېږي. خلک او ښوونکي له مسوولو ادارو غواړي، چې د تنخواوو ستونزه د موسمي ژمنو او لنډمهاله اقداماتو پرځای په بنسټیز ډول حل کړي.

د دوی په خبره؛ ښوونکي باید د ټولنې د خدمت په بدل کې پر وخت تنخوا ترلاسه کړي، نه دا چې هر اختر د پور، لوږې او انتظار تر سیوري لاندې تېر کړي.