د فلسطین روغتیايي چارواکي وایي، چې پر غزې د اسراییل په هوايي بریدونو کې لږترلږه اووه فلسطینیان وژل شوي دي. یوازې په مرکزي غزه کې د کډوالو پر پنډغالي د ډرون برید له امله لږترلږه پنځه کسان وژل شوي او یوشمېر نور ټپیان دي.
د غزې ملکي دفاع ادارې ویلي، چې مرګ ژوبله د ملکي وګړو پر یوې ډلې د برید په پایله کې رامنځته شوې. له بل پلوه د سویلي غزې په خان یونس ښار کې بیا پر یوه موټر د برید له امله لږترلږه دوه کسان وژل شوي دي.
اسراییل لاتراوسه د دغه بریدونو په اړه رسمي غبرګون نهدی ښودلی. د الجزیرې د راپور له مخې؛ ځايي سرچینې وایي چې یوشمېر بریدونه تر هغو نښتو وروسته شوي، چې پهکې د اسراییل لهخوا د ملاتړ لرونکو وسلهوالو ډلو هم رول لاره او وروسته د اسراییل هوايي بریدونو دغه وضعیت لا کړکېچن کړی دی.
