د بښنې نړیوال سازمان د پښتون ژغورنې غورځنګ غړي فرید اپریدي د سملاسي خوشې کېدو غوښتونکی شو

د خیبر پښتونخوا ایالت د باجوړ ولسوالۍ ځايي خلک وايي چې د دې ولسوالۍ په ځینو سیمو کې نامعلومو کسانو د تحریک طالبان پاکستان تبلیغاتي توکي وېشلي چې د دې ډلې د مشر مفتي نور ولي مسید د اختر پیغام هم پکې شامل دی.

د باجوړ یوه قومي مشر افغانستان انټرنشنل ته تایید کړه چې تېره شپه ناوخته د باجوړ په مرکز خار تحصیل کې پر دېوالونو د ټي ټي پي د مشر لیکلي پیغامونه نښلول شوي دي.

په دغو پیغامونو کې د ټي ټي پي د مشر د اختر پیغام هم شامل دی چې د هغه له انځور سره خپور شوی دی.

ځینې ځايي سرچینې وايي چې دا لیکلي توکي د خار تحصیل د عیدګاه او شاوخوا ځینو نورو جوماتونو پر دېوالونو نښلول شوي وو او نن سهار چې کله ځايي خلک د اختر د لمانځه لپاره جوماتونو ته لاړل، نو پمفلټونه پر دېوالونو نښلول شوي لیدل کېدل.

د باجوړ د پولیسو یوه چارواکي د نوم نه ښودلو په شرط تر دې حده تایید کړه چې د خار تحصیل په ځینو سیمو کې د تېرې شپې په تیاره کې نامعلومو کسانو د ټي ټي پي توکي پر جوماتونو او دېوالونو نښلولي دي.

بلخوا له شمالي وزیرستان څخه هم راپورونه وايي چې هلته هم د ټي ټي پي د مشر د اختر پیغام او د ځینو نورو وسله والو ډلو لیکلي پیغامونه پر دېوالونو نښلول شوي او په عامو خلکو کې وېشل شوي دي.

د یادولو وړ ده چې د ټي ټي پي د مشر له خوا هر کال د اخترونو په مناسبت پیغام خپرېږي چې د ټي ټي پي د رسمي رسنۍ عمر میډیا له خوا پر بېلابېلو ټولنیزو رسنیو خپرېږي.

سږ کال هم د ټي ټي پي په درې مخیز پیغام کې له خلکو غوښتل شوي چې د حکومت پر ضد راپورته شي. ټي ټي پي د تېرو کلونو په څېر سږ کال هم د اختر په دریو ورځو کې د اوربند اعلان کړی دی، خو د ټي ټي پي جنګیالیو ته لارښوونه شوې چې که د امنیتي ادارو له خوا پر دوی برید وشي، نو دوی دې هم «غاښ ماتوونکی» ځواب ورکړي.

د پاکستان په بلوچستان ایالت کې پر بار وړونکو موټرو د پرله پسې بریدونو د زیاتوالي، د هغو د سوځولو د پېښو او د امنیت د نشتوالي له امله، د لاریو مالکانو د موټرو تګ راتګ په موقتي ډول بند کړی دی.

د کوټې د سوداګرۍ او صنایعو خونې او د باروړونکو موټرو د څښتنانو اتحادیې په دغه ایالت کې د امنیت د خراب وضعیت، اقتصادي بحران، پر مال وړونکو موټرو د بریدونو او د هغو د سوځولو په اړه د اندېښنې په څرګندولو سره د ټولو سوداګریزو سازمانونو یوه مهمه غونډه د جون پر درېیمه نېټه بللې ده.

د بلوچستان د باروړونکو موټرو د څښتنانو اتحادیې مشر حاجي نور محمد شاهواني له افغانستان انټرنشنل سره په خبرو کې وویل، په دغه ایالت کې په تېرو دریو اونیو کې د بار وړونکو موټرو د سوځولو پېښې خورا زیاتې شوې دي چې له امله یې له ټرانسپورټ سره تړلو سوداګرو ته د میلیاردونو روپیو زیان اوښتی دی.

د هغه په وینا، په تېرو درېو اونیو کې د بلوچستان په بېلابېلو ښارونو کې د وسله والو کسانو له خوا پر ۵۰ تر ۶۰ پورې مال وړونکو موټرو بریدونه شوي او سوځول شوي دي.

نوموړي وویل، له دغو بریدونو وروسته اوس د دوی د ټولنې له خوا د بار وړونکو موټرو تګ راتګ په موقتي ډول درول شوی دی.

د کوټې ځايي خبريالان وايي، پر مال وړونکو موټرو ډېری بريدونه په نوشکي، احمدوال او دالبندین سیمو کې شوي دي.

د یادولو وړ ده چې په بلوچستان کې له ډېر وخت راهیسې د امنیت د خرابېدونکي وضعیت کابو کول د امنیتي ادارو لپاره یوه لویه ننګونه ګرځېدلې ده.

ډېری دغه بریدونه بلوڅ بېلتون پالې ډلې کوي.

د تیرا د اغېزمنو کډوالو استازي وایي چې دوی په احتجاجي توګه د اختر خوښۍ په پرلت کې ځکه نمانځي چې واکمنو ته وښيي د دوی اصلي ستونزې نه دي حل شوې او نه ورته پاملرنه کېږي.

د تیرا د اغېزمنو کډوالو د غورځنګ ویاند صحبت خان اپریدي له افغانستان انټرنشنل سره په خبرو کې وویل چې اختر داسې یو جشن دی چې خلک پکې له خپلو کورنیو سره یوځای کېږي او خوښۍ شریکوي، خو له بده مرغه د تیرا بېځایه شوي خلک په در په دره ژوند تېرولو مجبور دي.

هغه وویل چې کوچنی اختر هم د دوی له خوا په احتجاجي توګه په کیمپ کې نمانځل شوی و، خو دوی هیله درلوده چې شاید د لوی اختر لمونځ به په خپلو پلرنیو سیمو کې وکړي، خو د واکمنو د بېغورۍ له امله د اغېزمنو خلکو د بېرته ستنېدو بهیر په پرله پسې ډول له ځنډ سره مخ دی.

د خیبر ولسوالۍ له غرنۍ سیمې تیرا درې څخه شاوخوا درې نیمې میاشتې وړاندې زرګونو کسانو کډه کړې وه. حکومت ادعا کوي چې په تیرا کې د ناقانونه وسله والو ډلو د نفوذ د زیاتېدو له امله دغه سیمه خالي کړل شوې وه څو هلته د حکومت واکمني رامنځته شي.

د تیرا اغېزمن شوي خلک وایي چې د حکومت له خوا ورسره ژمنه شوې وه چې د دوو میاشتو په ترڅ کې به بېرته خپلو سیمو ته ستانه کړل شي، خو د ټاکل شوې مودې له تېرېدو یونیمه میاشت تېره شوې او لا هم د دوی د بېرته ستنېدو کوم مهالوېش نه دی ورکړل شوی.

د تیرا بېځایه شویو خلکو د خپلو غوښتنو د ترلاسه کولو لپاره د «تیرا د اغېزمنو غورځنګ» په نوم یو بنسټ هم جوړ کړی دی چې له درې نیمو میاشتو راهیسې د باړې پریس کلب مخې ته په احتجاج بوخت دي.

په دغه احتجاجي کیمپ کې وخت په وخت د سیاسي ګوندونو مشران هم د اغېزمنو خلکو د ملاتړ لپاره ورځي.

د صحبت خان اپریدي په وینا، دوی ته له تیرا څخه داسې راپورونه ترلاسه کېږي چې هلته ګڼې نوې امنیتي پوستې جوړې شوې دي او په لویه کچه مېوه لرونکې ونې هم وهل شوې دي چې دې چارې د کډوالو اندېښنې خورا زیاتې کړې دي.

هغه وویل چې د حکومتي ادارو له خوا چې کومه سړه رویه ښودل کېږي، داسې نه ښکاري چې د اغېزمنو خلکو بېرته ستنېدل دې تر راتلونکې یوې میاشتې پورې هم ممکن شي.

بل لور ته، د خیبر ولسوالۍ ځایي اداره وایي چې په تیرا دره کې د لومړي ځل لپاره د حکومت واکمني رامنځته شوې ده. د ځایي ادارې په وینا، په تیرا کې ګڼې دولتي ادارې په چټکۍ سره کار کوي، د نویو سړکونو جال غوړول کېږي او د اړینو پرمختیایي کارونو له پای ته رسېدو وروسته به هلته پولیس هم وګومارل شي.

ډار د سې شنبې په ورځ د ملګرو ملتونو د امنیت شورا د پرانیستې مناظرې په څنډه کې د ملګرو ملتونو له سرمنشي انتونیو ګوتریش سره لیدلي دي.

د پاکستان د بهرنیو چارو وزارت د چارشنبې په ورځ وویل چې دواړو لوریو د سیمه‌ییزو او نړیوالو بېلابېلو موضوعاتو په اړه نظرونه تبادله کړل، چې منځنی ختیځ، جنوبي اسیا، افغانستان، فلسطین او د ملګرو ملتونو د امنیت شورا اړوند اصلاحات پکې شامل وو.

اسحاق ډار د سې‌شنبې په ورځ نیویارک ته د مې له ۲۶مې تر ۲۸مې په یوه رسمي سفر تللی.

د پاکستان د بهرنیو چارو وزارت په وینا، ډار له ګوتریش سره په لیدنه کې ویلي، چې یو سوله‌ییز افغانستان د سیمې د ثبات لپاره ډېر مهم دی خو په ورته وخت کې یې د هغو وسله والو ډلو له خوا د افغانستان د خاورې د کارولو په اړه اندېښنه ښودلې چې دده په وینا، د پاکستان پر ضد فعالیتونه کوي.

هغه یو ځل بیا ټینګار کړی، چې پاکستان د نړیوال قانون او د ملګرو ملتونو د منشور له اصولو سره سم د خپل ملي امنیت د ساتنې هوډ لري.

د راپورونو له مخې؛ وسله‌والو لومړی د شاهرګ پولیسو حوزې اړوند سیمه کلابنده کړې وه او وروسته یې پر ملکي وګړو ډزې وکړې. د یادې پېښې ټپیان او مړي لومړی د شاهرګ روغتیايي مرکز ته لېږدول شوي وو او وروسته د نورو درملنو لپاره کوټې ته لېږدول شوي دي.

بل لور ته د ملي ډیموکراتیک غورځنګ عمومي منشي مزمل شاه د برید غندنه کړې او ویلي یې دي، سره له دې چې په شاهرګ سیمه کې امنیتي ځواکونه پراخ حضور لري بیا هم دغه ډول بریدونه ترسره کېږي.

هغه ادعا وکړه، چې په سیمه کې د سکرو کانونو او کان‌کېندنې پر سر د واکمنۍ لپاره دغه ډول پېښې رامنځته کېږي. نوموړي زیاته کړه، چې د پېښې پرضد به له قبیلو او سیاسي ګوندونو سره تر سلامشورو وروسته احتجاجي غورځنګ پیل کړي.

دا په داسې حال کې ده، چې تېره اوونۍ هم په هرنایي کې وسله‌والو د کاني توکو پر لېږدوونکو لاریو برید کړی و؛ څو موټرونه یې سوځولي او څلور ځايي کسان یې له ځان سره بوولي وو، چې تراوسه لادرکه دي.