یعقوب مجاهد: د افغانستان خاوره او هوا هېڅکله د ایران پر ضد د ګواښ سرچینه نه ده پاتې شوې

هغه ویلي چې لویدیز هېوادونه باید د افغانستان له جګړې وروسته د بیارغونې بشپړ دروند بار هم پر غاړه واخلي.

نوموړي زیاته کړې چې مسکو او افغان شریکان دا د منلو وړ نه بولي چې د متحده ایالاتو او ناټو پوځي تاسیسات دې په افغانستان یا د هغه په ګاونډیو هېوادونو کې ځای پر ځای شي.

شویګو وړاندې ویلي و چې روسیې له طالبانو سره خپل عملي تعامل پراخ کړی او له کابل سره د سیاسي، امنیتي، اقتصادي او کلتوري اړیکو د پراختیا په لور روانه ده.

د روسي خبري سرچینو په وینا، په دې ناسته کې د طالبانو او روسیې ترمنځ د پوځي- تخنیکي همکاریو یو تړون هم لاسلیک شوی دی.

د طالبانو د دفاع وزیر مولوي محمد یعقوب په دې ناسته کې ویلي چې کابل غواړي له مسکو سره خپلې دوه اړخیزې اړیکې نورې هم پراخې کړي او د افغانستان په تړاویې د مسکو رول مهم وباله.

هغه زیاته کړه چې دواړه هېوادونه اوږدې تاریخي اړیکې لري او د همدې اړیکو د پراختیا غوښتونکي دي.

د راپور له مخې، د طالبانو د دفاع وزیر مولوي محمد یعقوب له روسي چارواکو او ددغه هېواد د امنیت شورا له منشي سره په ناسته کې وویل چې کابل غواړي له مسکو سره خپلې دوه اړخیزې اړیکې نورې هم پراخې کړي او د افغانستان په تړاویې د مسکو رول مهم وباله.

هغه زیاته کړه چې دواړه هېوادونه اوږدې تاریخي اړیکې لري او د همدې اړیکو د پراختیا غوښتونکي دي.

د روسیې د امنیت شورا سکرتر سرګي شویګو په همدې ناسته کې ویلي چې لوېدیځ هېوادونه باید د افغانستان کنګل شوې شتمنۍ ازادې کړي او د تېرو شلو کلونو د حضور مسوولیت په بشپړ ډول ومني او له جګړې وروسته د افغانستان د بیا رغونې بار پر غاړه واخلي.

شویګو وړاندې ویلي و چې روسیې له طالبانو سره عملي ډیالوګ جوړ کړی او له کابل سره یې په سیاسي، امنیتي، اقتصادي او کلتوري برخو کې د پراخې همکارۍ لوری غوره کړی دی.

د هغه په وینا، مسکو باور لري چې له افغانستان سره همکاري د سیمې د امنیت او اقتصادي پرمختګ لپاره مهمه ده.

دا پرمختګ داسې مهال شوی چې د روسیې او طالبانو ترمنځ اړیکې ورو ورو د رسمي تعامل او همکارۍ لور ته روانې دي.

د حزب اسلامي مشر ګلبدین حکمتیار د چارشنیې په ورځ په خپل اختریز پیغام کې ویلي، چېرې چې فقر او ناامني وي او اقتدار د مفسدينو او ظالمانو په لاس كي وي هلته كه څوك سل ځله ادعا وكړي چي دلته اسلامي نظام راغلى، ستر او كركجن دروغ یې ويلي دي.

د حکمتیار په باور، واقعي سولې او ثبات ته د رسېدو او د روان بحران د حل يوازينۍ لار دا ده چي ټول اغېزناک داخلي لوري په رښتینې توګه او له قيد شرط پرته مذاكراتو ته كښېني او پر څو اساسي خبرو هوکړه وكړي.

نوموړي په دغو بنسټیزو خبرو کې دوه هغه د واک لپاره له جګړې او د بل په زور د خپل مخالف لوري ماتولو نه ډډه کول بللي دي.

حکمتیار په خپل پیغام کې ویلي، چې اهل کس ته د مشرۍ امانت سپارل د ملت شرعي حق دی او امیر هم باید د بادار پرځای د خلکو خادم وي. نوموړي د ملت مشري د خلکو په اکثریت او علني رایو پورې مشروط کړې ده.

حکمتیار په خپل پیغام کې، چې یوه کاپي یې افغانستان انټرنشنل ته رسېدلې، په غیر مستقیم ډول د ملا هبت الله د فرمانونو صادرولو ته اشاره کړې او وايي، چې امیر باید د امر او فرمان پرځای چارې سمبال کړي او د خپلو احکامو پرځای د خدای حکمونه پلي کړي او ولس د هرڅه په تړاو په مشورو کې شریک وګڼي.

حکمتیار د وړتیا پر بنسټ د ددندو پر وېش ټینګار کړی او وايي، داسې نه چې امیر د قدوري ملا د انجنيري پوهنځي ریيس وټاكي.

د حزب اسلامي مشر په خپل پیغام کې په کورنیو او بهرنیو سیاستونو کې د افغان ولس پر رول ټینګار کړی او ددې لپاره یې د ولس د یوې ممثلې شورا موجویت وړاندیز کړی چې د اساسي قانون د جوړولو واک ولري او راتلونکي حکومتونه هم ددغه قانون له مخې جوړ شي.

هغه په خپل پیغام کې پر ټولو اړخونو غږ کړی، چې د پرديو امنيتي، استخباراتي او وسله وال حضور او لاسوهنې رد کړي.

حکمتیار د یوې داسې دارالافتا پر جوړولو هم ټینګار کړی، چې دده په وینا، د خپلسرو فتواګانو او له حلال نه د حرام او له حرام نه د حلال جوړولو مخه ونیسي او امر بالمعروف هم د هر مسلمان دنده وګڼل شي.

په داسې حال کې، چې طالبانو په دې وروستیو کې د حزب اسلامي دفتر بند کړی او ظاهرا د دغه ګوند د مشر پر فعالیتونو او په جومات کې پر ویناوو یې محدودیتونه لګولي، حکمتیار د قراني ایتونو په استناد ویلي، چې امر بالمعروف او نهي عن المنكر د ټول امت د فرد فرد، نارينه او ښځينه دنده ده او هيڅوك حق نه لري چي دا دنده تعطيل، تعليق يا تحريم كړي او تر سركاري ادارو او مامورينو یې محدوده كړي.

هغه ټینګار کړی، چې له دې نه باید د نورو د غلي کولو او د منبر د مهارولو وسيله او مجوز جوړ نه شي.

طالبانو د چارشنبې په ورځ د کندهار په عیدګاه جومات کې د لوی اختر د لمانځه او د خپل مشر ملا هبت‌الله اخوندزاده د وینا پر مهال د هوايي دفاع دودیز سیستم ځای پرځای کړی و.

له سیمې په را رسېدلو انځورونو او ویډیوګانو کې لیدل کیږي، چې طالبانو د ZPU-4 په نوم روسي جوړ د هوايي دفاع سیستم په سیمه کې فعال کړی و.

دغه هوايي ضد ماشیګڼ څلور میله لري او ۱۵،۵ سانتي متره مرمۍ خوري.

طالبان دا ډول وسلې په مهمو امنیتي غونډو او لوړپوړو مراسمو کې د احتمالي هوايي ګواښونو د مخنیوي لپاره نصبوي.

طالبانو په دې وروستیو کې د پاکستان د بې پیلوټه الوتکو د بریدونو پرمهال هم له دې او ورته نورو وسلو څخه د هوايي دفاع لپاره کار اخېستی دی.

هبت‌الله په خپله وینا کې د «وحدت» مفهوم ۸۱ ځله یاد کړ، د «اختلاف» موضوع ته یې ۳۵ ځله اشاره وکړه او د «اطاعت» کلمه یې ۱۲ ځله وکاروله، چې دا موضوعات د هغه د خطبې اصلي محور جوړوي.

هغه په خپلو خبرو کې وویل چې د مسلمانانو لپاره یووالی د دیني عملونو بنسټ دی او د اختلاف شته والی د عباداتو د بشپړولو مخه نیسي. د هغه په وینا، جهاد هم د مسلمانانو د یووالي د ټینګښت لپاره فرض عمل دی.

ملا هبت‌الله همدارنګه د اسلامي تاریخ په حواله وویل چې د پیغمبر په وخت کې خلکو ته ویل کېدل چې د اختر لمانځه ته د ګډون لپاره ووځي څو د مسلمانانو صفونه ښکاره شي او وروسته د اسلامي ځواک د پیاوړتیا په پایله کې یوازې نارینه دې لمانځه ته بلل کېدل.

هغه ټینګار وکړ چې د مسلمانانو د لیکو پراخول او یو موټی کول عبادت دی او داخلي اختلافات د اسلامي ټولنې د کمزورتیا سبب ګرځي. د هغه په وینا، مسلمانان باید خپل اختلافات د محبت او بښنې له لارې حل کړي.

د طالبانو مشر زیاته کړه چې د مسلمانانو لپاره د یو امیر درلودل ضروري دي او د همدې لپاره د منظم نظام جوړول اړتیا ده، چې خلک د هغه اطاعت وکړي. هغه د طالبانو اداره د نړۍ تر ټولو غوره اسلامي اداره وبلله.

هغه همدارنګه وویل، هغه کړنې چې د مسلمانانو ترمنځ د تفرقې سبب کېږي باید له منځه یووړل شي او د شخصي انتقام اخیستلو پر ځای بښنه او عفو غوره شي.

ملا هبت‌الله د خپلو خبرو په یوه برخه کې دا هم وویل چې مسلمانان باید د داسې حالت مخه ونیسي چې د اختلاف له امله د نورو تر واک لاندې راشي او ټینګار یې وکړ چې د اسلام هدف د انسانانو له بندګۍ څخه د بشر ازادول او د الله د عبادت لپاره د هغوی یو ځای کول دي.