پاکستان کې مېشت کډوال: د پولیسو له وېرې د اختر لمونځ لپاره جومات ته نه یو تللي

د هغه په وینا؛ په پاکستان کې پر افغان کډوالو د ژوند کړۍ خورا تنګه شوې ده. هغه وایي: «که څه هم موږ د اختر لمونځ نیت لاره؛ خو د پولیسو له‌خوا د نیولو له وېرې ونه توانېدو، چې د اختر په لمونځ کې برخه واخلو».
نوموړي زیاته کړې: «پاکستاني پولیسو د اختر په شپه هغه افغان کډوالې له بازارونو ونیولې، چې د اختر سودا پسې تللې وې؛ نو یادې پېښې زموږ وېره لاپسې ډېره کړه او سږکال د دویم ځل لپاره مو د اختر په لمونځ کې ګډون ونه کړ».
هغه چې په تحصیلي ویزې پاکستان ته د زده‌کړو لپاره تللی و، د ویزې موده یې له څو میاشتو راهیسې پوره شوې او د ویزو د ورکړې لړۍ بندېدو له امله بیا نه‌دی توانېدلی چې ویزه ترلاسه کړي. هغه وایي، دا دویم اختر دی چې دا او افغان ټولګي‌وال یې په لیلیه کې تېروي او د ویزو د نشتوالي له امله کور ته نه‌شي ستنېدای.