اسحاق ډار په واشنګټن کې د امریکا د بهرنیو چارو له وزیر مارکو روبیو سره ویني

د اوکراین پارلمان دغه تړون ته د ۲۹۸ موافقو رایو په ورکولو سره تایید کړ، چې د اړتیا وړ اکثریت ۲۲۶ رایو څخه خورا لوړ و. اروپایي ټولنې تېره میاشت وروسته له هغه د دغه ۹۰ میلیارده یورو پور وروستی تایید ورکړ، چې هنګري خپل ویټو لیرې کړه او د میاشتو میاشتو ځنډ ته یې د پای ټکی کېښود.

د اروپایي کمېسیون مشرې اورسلا فون ډیر لاین وویل، چې د پارلمان دغه رایه په جون میاشت کې د لومړنیو پیسو د ورکړې لاره هواروي. اوکراین تمه لري چې راتلونکې میاشت ۳،۲ میلیارده یورو او په روان ۲۰۲۶ کال کې په ټولیزه توګه ۴۵ میلیارده یورو ترلاسه کړي، په داسې حال کې چې پاتې ۴۵ میلیارده یورو به د ۲۰۲۷ کال لپاره وساتل شي.

د اوکراین د لومړي وزیر مرستیالې یولیا سوېریډینکو وویل: «دا پانګې به ملي دفاع، امنیت، د انرژۍ د مقاومت پیاوړتیا او د بودیجې د کسر پوره کولو ته ځانګړې شي.»

د اوکراین پارلمان د ۲۰۲۶ کال د دولتي بودیجې د تعدیل لومړنی ملاتړ هم وکړ، چې له مخې یې حکومت ۳۱،۸ میلیارده یورو په دفاعي هڅو او ۱۳،۲ میلیارده یورو د بودیجې د تشې پر ډکولو لګوي. د راپورونو له‌مخې، دا کار به د اوکراین ټولیز دفاعي لګښتونه په روان کال کې له وړاندې شوي ۶۴ میلیارد ډالرو څخه نږدې ۱۰۰ میلیارد ډالرو بې‌ساري ریکارډ ته ورسوي، په داسې حال کې چې تېر کال دا لګښت ۶۱،۴ میلیارد ډالره و. دغه راز دا مالي مرسته به د ۲۰۲۶ کال د بودیجې کسر له ټاکل شوي ۱۸،۵ سلنې څخه د ناخالص کورني تولید ۱۲،۱ سلنې ته راکم کړي.

د اسراییل د پوځ د معلوماتو له‌مخې، په دغو بریدونو کې د راکټ توغولو شاوخوا ۱۰ هغه ځایونه په نښه شوي، چې حزب‌الله ترې د اسراییلي پوځیانو او ملکي وګړو پر وړاندې کار اخیست. د اسراییل پوځ همداراز ویلي، دغه د توغندیو اډې د بقاع او د سویلي لبنان په اړوندو سیمو کې هدف ګرځول شوې دي.

د اسراییل پوځ زیاته کړې، چې د بقاع په «بریتال» سیمه کې یې د حزب‌الله ډلې یو لوی روزنیز کمپ هم تر سختو هوايي بریدونو لاندې راوستی او زیانمن کړی دی. د اسراییل پوځ د خبرپاڼې پر بنسټ، اسراییلي ځواکونو تېره شپه د لبنان په ساحلي ښار «صور» کې د حزب‌الله شاوخوا ۱۵ پوځي تاسیسات او بنسټونه هم په نښه کړي، چې د دوی په وینا یادې ډلې ترې د خپلو عملیاتو او بریدونو د پرمخ بېولو لپاره استفاده کوله.
په ورته مهال د اسراییل هوايي ځواک ادعا کړې، چې د حزب‌الله یو شمېر وسله وال یې هم په هغو شیبو کې هدف ګرځولي او وژلي دي، چې د راکټ توغولو له یوه کارول شوي ځای څخه د وتلو او تېښتې په حال کې وو. د حزب‌الله ډلې تر اوسه پورې د اسراییل د پوځ د دغو ادعاوو او بریدونو په اړه په رسمي ډول څه نه دي ویلي.

د دغه هېواد چارواکو ویلي، چې یاده پېښه د پنجشنبې په سهار رامنځته شوې ده او د سویس د پولیس د معلوماتو له‌مخې، بریدګر ۳۱ کلن او د سویس وګړی دی.

د راپورنو له‌مخې، له برید سمدستي وروسته مرستندویه ځواکونه او د ګڼ شمېر پولیس سیمې ته ورسېدل او سیمه کې یې پراخ عملیات ترسره کړل.

د سویس بلیک ورځپاڼې لیکلي، دوی داسې یوه ویډیو ترلاسه کړې چې پکې یو کس د اورګاډي تمځای په انګړ کې په منډه د تېښتې په حال کې لېدل کېږي او د «الله اکبر» نارې وهي.

دغې رسنۍ د یو عینی شاهد له قوله راپور ورکړی، چې د بریدګر په لاس کې چاقو و او هممهاله عام خلک په وېره او چیغو سره له سیمې څخه د تېښتې په حال کې وو.

پر همدغه مهال د سویس چارواکو ټینګار کړی چې د پېښې د انګیزې روښانه کولو لپاره جدي څېړنې دوام لري، خو لا تر اوسه یې د دغه برید په اړه کومه غوڅه څرګندونه نه ده کړې.

محمودخان اڅګزي د پنجشنبې په ورځ، د غبرګولي ۷مه په یوه ویډیويي پیغام کې ویلي، چې پښتونخوا او بلوچستان د کانونو، تېلو او ګازو له بې‌شمېره او بډایه زېرمو څخه ډک دي، خو ځايي خلک یې له لومړنیو اسانتیاوو څخه بې برخې دي.

نوموړي خبرداری ورکړی، چې که د یادو سیمو اوسېدونکو ته په خپلو طبیعي کانونو کې حق ورنه‌کړل شي، نو خلک به د خپلو حقونو د ترلاسه کولو لپاره احتجاج او پاڅون کولو ته اړ شي.

اڅګزي ویلي:« که د موند غوره مرمر، د بنو تېل که د سویلي سیمو ګار او سره زر په تخت رستم کې د یورانیمو زېرمې د اټوم جوړولو لپاره کارول کېږي، خو د افسوس ځای دی چې د دې ټولو سرچینو سربیره د سیمې خلک اوبو او بنسټیزو اسانتیاوو ته لاسرسی نه لري».

نوموړي دا څرګندونې پرداسې مهال کړې، چې د راپورونو له‌مخې،، د پښتونخوا خټک مېشتې سیمې ۷۰ سلنه اوسېدونکي پاکو اوبو او نورو بنسټیزو اړتیاوو ته لاسرسی نه لري او په سیمه کې په فعالو حکومتي فابریکو کې هم د ځايي خلکو په ګمارنه کې ونډه نه ورکول کېږي.

د کینیا د ښوونې او روزنې وزیر جولیوس میګوس د‌ پنجشنبې په ورځ ویلي، چې کینیا په لوېدیځه مرکزي برخه کې د ګیلګیل ښار په اوتومیشي د نجونو عالي اکاډمۍ په لیلیه کې د شپې په نیمايي کې د اورلګېدنې پېښه رامنځته وې چې له امله یې ۱۶ نجونې مړې شوې او ۷۹ نورې ټپیانې شوې دي.

جولیوس میګوس ویلي:«په دې اړه څېړنې روانې دي، خو په اوتومیشي اکاډمۍ کې د دغه اورلګېدلو اصلي لامل تر اوسه نه دی په ګوته شوی».

د راپورونو له‌مخې د کینیا په ښوونځیو کې اور لګېدنې یو مروج کار دی او یوازې په ۲۰۲۴ کال کې په ښوونځیو کې د اورلګېدنې تر ۱۰۰‌ ډیرې پېښې ثبت شوې دي.