ناپېژاندو وسلهوالو د بلوچستان په سیفالله کلا کې درې کسان په ډزو وژلي دي
ناپېژاندو وسلهوالو د بلوچستان ایالت د سیفالله کلا ولسوالۍ په مولوي بختیار اډې سیمه کې درې کسان په ډزو وژلي او یو بل ټپي شوی دی. د سیفالله کلا پولیسو ویلي، چې د پېښې په تړاو یې پلټنې پیل کړې دي.
لومړني معلومات ښيي، چې دغه پېښه د شخصي دښمنۍ له امله رامنځته شوې؛ خو تر اوسه د پېښې د څرنګوالي په اړه رسمي جزییات نهدي خپاره شوي. د یادونې وړ ده، چې تېره ورځ هم په عبدالله کلا والسوالۍ کې د ځمکې په سر شخړه کې دوه کسان وژل شوي او پنځه نور ټپيان شوي وو.
