د افغانستان کرېکټ بورډ اعلان کړی، چې د هېواد د کرېکټ ملي لوبډلې لوبغاړي د هند په وړاندې د ټېسټ او یو ورځنیو نړۍوالو لوبو لپاره هند ته تللي دي. ټاکل شوې ده، چې افغان لوبډله به د هند پر وړاندې یوه ټېسټ او درې یو ورځنۍ لوبې وکړي.
دغه سیالۍ به (د غبرګولي په ۱۶مه) د هند په کوربهتوب پیل شي. دواړه لوبډلې به لومړی د ټېسټ لوبې لپاره له یو بل سره مخامخ شي او بیا به درې پنځوس اوریزې لوبې وکړي.
دا لومړی ځل دی، چې د افغانستان د کرېکټ ملي لوبډله چې مشري یې نوی روزونکی ریچارډ پایبس کوي؛ د نړۍ له یوې پیاوړې لوبډلې سره مخ کېږي. د افغانستان کرېکټ بورډ د پخوانۍ اعلامیې پر بنسټ؛ دغه سیالۍ به په هند کې د ۱۴۰۵کال (د غبرګولي په ۱۶مه) پیل شي.
دا دویم ځل دی، چې د افغانستان د کرېکټ ملي لوبډله د هند پر وړاندې په ټېسټ لوبه کې برخه اخلي. دارنګه افغان لوبډله به د لومړي ځل لپاره د هند په وړاندې د یو ورځنیو لوبو لړۍ ترسره کړي.
د ټېسټ لوبې مهالوېش:
شنبه، د ۱۴۰۵کال د غبرګولي ۱۶-۲۰ – افغانستان د هند په وړاندې – چندیګړ کرېکټ لوبغالی
د یو ورځنیو لوبو مهالوېش:
یکشنبه، د ۱۴۰۵کال د غبرګولي ۲۴مه – افغانستان د هند په وړاندې – درمشالا کرېکټ لوبغالی
چهارشنبه، د ۱۴۰۵کال د غبرګولي ۲۷مه – افغانستان د هند په وړاندې – د لکنو کرېکټ لوبغالی
شنبه، د ۱۴۰۵کال د غبرګولي ۳۰مه – افغانستان د هند په وړاندې – د چنای کرېکټ لوبغالی
د افغانستان کرېکټ بورډ دغه دوو مهمو نړۍوالو سیالیو لپاره د غوره شویو لوبغاړو نوملړ هم خپور کړی دی.
ټېسټ لوبې لپاره غوره شوي لوبغاړي:
حشمت الله شهیدي (لوبډلمشر)، عبدالمالک، صدیق الله اتل، رحمت شاه زرمتی، رحمان الله ګربز، رحمان الله ځدراڼ، افسر ځاځی (وېکټ ساتونکی)، اکرام عليخېل (وېکټ ساتونکی)، عظمتالله عمرزی، شرف الدین اشرف، ننګیالی خروټی، قیس احمد، بلال سامي، ضیا شریفي او سالم صافی.بشیر احمد، بهیر شاه او عصمت عالم.حشمت الله شهیدي (لوبډلمشر)، رحمان الله ګربز (وېکټ ساتونکی)، ابراهیم ځدراڼ، صدیق الله اتل، دروېش رسولي، رحمت شاه زرمتی، اکرام عليخېل (وېکټ ساتونکی)، محمدنبي عیسی خېل، عظمتالله عمرزی، راشد خان، ننګیالی خروټی، اللهمحمد غضنفر، ضیاءالرحمان شریفي، فرید احمد ملک او بلال سامي.قیس احمد، سلیم صافی او بشیر احمد.
