ایران پر لبنان د اسراییل بریدونه وغندل

هغه له لبنان سره د ایران پر «بشپړ پیوستون» هم ټینګار وکړ. دا په داسې حال کې ده، چې د اسراییل پوځ د پنجشنبې په ورځ اعلان وکړ چې په تېرو ۲۴ ساعتونو کې یې د لبنان په صور، بقاع او سویلي سیمو کې د حزب‌الله تر ۱۳۵ ډېر هدفونه له‌منځه وړي دي.
د اسراییلي پوځ د معلوماتو له‌مخې؛ په دغه بریدونو کې د راکټ توغولو له امله شاوخوا ۱۰ هغه ځایونه په نښه شوي، چې حزب‌الله ترې د اسراییلي پوځیانو او ملکي وګړو پر وړاندې کار اخیست. د اسراییل پوځ همداراز ویلي، دغه د توغندیو اډې د بقاع او د سویلي لبنان په اړوندو سیمو کې په نښه شوې دي.
د اسراییل پوځ زیاته کړې، چې د بقاع په «بریتال» سیمه کې یې د حزب‌الله یو لوی روزنیز کمپ هم تر سختو هوايي بریدونو لاندې راوستی او زیانمن کړی دی.