د جودو او کورش پخوانی افغان لوبغاړی اسماعیل کاکړ په جرمني کې ومړ

د افغانستان ملي لوبډلې د لوبغاړو نوملړ:

فیصل احمد حمیدي، کیوان متقیان، علي‌سینا حکیمي، مصور احدي، مصطفی عمرخېل، احمد شکېب مهري، عمید ارزو، علي رایض مرادي، حبیب‌الله عسکر، نوید محبوبي، علي‌رضا پناهي، الیاس منصور، حامد مومند، رحمت اکبري، جمشید اڅکزی، ساحل سروري، امین نبي‌زاده، امید موسوي، مازیار کوهیار، امید پوپلزی، یاسر صافی، رومین فایزي او محبوب حنفي.

د اعلان شوي پلان له مخې؛ د افغانستان د فوټبال ملي لوبډله به خپله لومړۍ لوبه (د غبرګولي ۱۱مه) د کوربه هېواد مالدیف د ملي لوبډلې پر وړاندې ترسره کړي.

د افغانستان د ملي لوبډلې د لوبو مهالوېش:

افغانستان – مالدیف | د ۱۴۰۵کال د غبرګولي ۱۱مه
افغانستان – بنګله‌دېش | د ۱۴۰۵کال د غبرګولي ۱۴مه
افغانستان – پاکستان | د ۱۴۰۵کال د غبرګولي ۱۷مه
د سیالیو پایلوبه | د ۱۴۰۵کال د غبرګولي ۲۰مه

د روسیې د ټاس خبري اژانس د راپور له مخې، د دغو لوبو د تنظیم د دارالانشا مشر نور سلطان ادنوف ویلي چې د نړۍ ۱۰۰هېوادونو ته د ګډون بلنلیکونه لېږل شوي او تر دې دمه د ۵۰هېوادونو استازو په رسمي ډول د ګډون چمتووالی ښودلی دی.

هغه زیاته کړې چې د ګډونوالو د نوم‌لیکنې او اعتبارپاڼو ترلاسه کولو بهیر به د جولای تر لومړۍ نېټې دوام وکړي او تمه کېږي چې د شاوخوا ۹۵هېوادونو استازي په دغو سیالیو کې برخه واخلي.

ادنوف ویلي چې پرېکړه شوې، څو بیشکک ښار د نړۍ د کوچيانو د دودیزو لوبو د دایمي مرکز په توګه وټاکل شي. د هغه په وینا، پخوا به د دغو سیالیو د کوربتوب له پای وروسته پروژه نورو هېوادونو ته لېږدول کېده.

نوموړي همداراز ویلي چې د راتلونکو لوبو د کوربه هېواد په اړه وروستۍ پرېکړه لا نه ده شوې، خو اوس مهال له درېیو هېوادونو سره خبرې روانې دي او د دغو لوبو لپاره لېوالتیا زیاته ده.

ټاکل شوې د نړۍ د کوچيانو د دودیزو لوبو شپږم پړاو د ۲۰۲۶کال د اګست له ۳۱مې څخه د سپټمبر تر ۶مې پورې په قرغیزستان کې ترسره شي.

د تنظیموونکو د معلوماتو له مخې، شاوخوا درې زره ورزشکاران به په ۴۳بېلابېلو دودیزو ورزشي څانګو کې سیالي وکړي.

دغه لوبې چې هر دوه کاله وروسته ترسره کېږي، لومړی ځل په ۲۰۱۴کال کې د قرغیزستان د حکومت په نوښت پیل شوې وې او هغه مهال د افغانستان په ګډون د ۱۹هېوادونو ورزشکارانو پکې ګډون کړی و.

امیري چې د جرمني لپاره یې په بېلابېلو ملي کټګوریو کې نږدې ۶۰ لوبې کړې دي، په بوندس‌ لیګا فوټبال سیالیو کې یې یو ځلانده فصل تېر کړ او وتوانېد چې د جرمني ملي لوبډلې د تخنیکي کادر پام یو ځل بیا ځان ته واړوي.

ماینتس لوبډله د بوندس‌ لیګا فصل په پای کې د ۴۰ امتیازونو په ترلاسه کولو سره د جدول په لسم ځای کې راغلې او ندیم امیري د یادې لوبډلې په بریا کې مهم رول لاره. د هغه ښه ځلیدا د دې لامل شوه، چې د یولیان ناګلزمان له نظره پټ پاتې نه‌شي او د ۲۰۲۶کال نړۍوال جام لپاره د جرمني په وروستي نوملړ کې ځای ومومي.

امیري د ۲۰۲۵–۲۰۲۶ فصل په ترڅ کې د ماینتس لوبډلې لپاره ټولټال ۲۶ لوبې ترسره کړې، ۱۲ ګولونه یې وهلي او دوه ګول پاسونه یې هم ورکړي دي. یولیان ناګلزمان د جرمني د لوبغاړو د نوملړ تر اعلان وروسته ویلي، چې د نړۍوال جام د بریا لپاره یې د خپلو لوبغاړو پر یووالي، همغږۍ او ټیمي روحیې ځانګړی حساب کړی دی.

د جرمني ملي لوبډله به راتلونکې میاشت د نړۍوال جام پیل په (يي) ګروپ کې د کوراکاو، اېکواډور او عاج ساحل پر وړاندې لوبې وکړي.

بنفشه هاشمي وایي، د جمهوریت پرمهال په افغانستان کې د ښځو د کرېکټ ملي لوبډله د جوړېدو په حال کې وه؛ خو په ۲۰۲۱کال کې واک ته د طالبانو له رسېدو وروسته نوموړې او ګڼې نورې لوبغاړې اسټرالیا ته کډوالې شوې.

دغه لوبغاړو وروسته په جلاوطنۍ کې خپله لوبډله جوړه کړه او تېر کال یې په ملبورن کې خپله لومړنۍ لوبه ترسره کړه. اغلې هاشمي وايي، دوی غواړي د نړۍ د نورو ښځینه لوبډلو په څېر په رسمیت وپېژندل شي او نړۍوالو سیالیو ته لار ومومي.

نوموړې زیاته کړه، چې د افغانستان د ښځینه‌و فوټبال لوبډلې ته د نړۍوال فدراسیون له‌خوا د رسمي ګډون اجازې د دوی هیلې هم پیاوړې کړې دي. د هغې په وینا؛ د فوټبال نړۍوال فدراسیون د هغو افغان ښځینه فوټبالرانو لپاره ځانګړي اصول بدل کړل، چې په جلاوطنۍ کې ژوند کوي او د کرېکټ نړۍوالې شورا لاهم د افغان ښځینه کرېکټ لوبغاړو د رسمیت پېژندنې په اړه پرېکړه نه‌ده کړې.

بنفشه هاشمي وایي: «موږ غواړو خپل حقونه ترلاسه کړو او د نورو لوبډلو په څېر ولوبېږو». دغه افغان ښځینه لوبغاړو تر دې وړاندې هم د کرېکټ نړۍوالې شورا پر چوپتیا او کم ملاتړ نیوکې کړې دي؛ خو تېر کال د کرېکټ نړۍوالې شورا د دوی لپاره ځانګړی مرستندوی پروګرام پيل کړ، چې په‌کې روزنې، لوبغالو او مسلکي تمرینونو ته لاسرسی شامل و.

دغه لوبغاړو په هند کې تمریني سیالۍ هم ترسره کړې او د ښځو نړۍوال جام ځینې لوبې یې هم له نږدې کتلې دي. اغلې هاشمي وایي، په افغانستان کې د یوې نجلۍ لپاره د کرېکټ لوبډلې ته رسېدل اسانه کار نه‌وو او هغې کلونه مبارزه وکړه؛ څو خپلې کورنۍ ته قناعت ورکړي.

اوس بنفشه هاشمي او د هغې ملګرې په استرالیا کې خپلو تمرینونو ته دوام ورکوي او هیله لري، چې یوه ورځ به د افغانستان په نوم په نړۍوالو سیالیو کې ولوبېږي.

د یادې خبرپاڼې له مخې، د تمریناتي او ازمایښتي کمپ دویم پړاو به د جون پر لومړۍ نېټه پیل شي. چارواکي وایي دا بهیر د ۱۹ کلنې ملي لوبډلې د ټاکلو لپاره روان ساتل کېږي او ټاکل شوې ده چې غوره لوبغاړي بل پړاو ته ولېږدول شي.

د لومړي پړاو په جریان کې ګډونوالو لوبغاړو تمریناتي ناستې او داخلي سیالۍ ترسره کړې چې موخه یې د تخنیکي مهارتونو ارزونه او د لوبغاړو فټنس کچه سنجول یاد شوي دي. د خوست ولایتي رسنیز دفتر د ټاکنیزو معیاراتو جزییات نه دي خپاره کړي، خو ټینګار یې کړی چې پروسه به پرلپسې روانه وي.

کرېکټ‌بورډ تر اوسه د دویم پړاو د دقیقو ورځنیو مهالوېشونو، د روزونکو نومونو او د وروستۍ لوبډلې د اعلان نېټې په تړاو نور جزئیات نه دي شریک کړي. ټاکل شوې ده چې بل پړاو کې هم ازمایښتي سیالۍ او معیاري تمرینات شامل وي.