د تخار اوسېدونکي له طالبانو د ویجاړ شوي پُل د بیارغونې غوښتنه کوي

د پیغام لېږونکي د معلوماتو له مخې، منګل احمدزی د عرفې په ورځ له تښتول کېدو وروسته تر دویمې ورځې پورې نادرکه و او کورنۍ یې په بېلابېلو سیمو کې د هغه د موندلو پراخې هڅې کولې. سرچینه زیاتوي چې تېره ورځ د دغه ځوان بې‌ساه جسد په کابل کې د عدلي طب په مرکز کې وموندل شو. د نوموړي په وینا، د وژل شوي احمدزي پر مخ او بدن د چاقو د بریدونو ګڼې نښې لیدل کېدې او داسې ښکاري چې هغه د اختر په لومړۍ ورځ وژل شوی وي. دغه راز غلو د منګل احمدزي موټر، نغدې پیسې او ګرځنده ټیلیفون هم له ځان سره وړي دي

سرچینې په‌ خپل لېږلي پیغام کې دا ادعا هم کړې چې منګل احمدزی په سیمه کې یوازینی قرباني نه دی، بلکې په وروستیو میاشتو کې ورته نورې پېښې هم شوې دي، خو د دغو ټولو پېښو په اړه معلومات په پراخه کچه نه دي خپاره شوي؛ ځکه طالبانو د دغو جنايي پېښو د رسنیز کېدو مخه ډب کړې ده.

سرچینې افغانستان انټرنشنل - پښتو ته دا ادعا هم کړې چې د طالبانو امنیتي ځواکونو دوی ته خبر ورکړی و چې د پغمان په غرنیو سیمو کې د څو کسانو جسدونه موندل شوي دي. د هغه په وینا، ځینې جسدونه د اوږدې مودې تېرېدو له امله زیانمن شوي او د ځنګلي حیواناتو له خوا هم خوړل شوي وو.

د قرباني د کورنۍ او ملګرو له لوري غوښتنه شوې چې د طالبانو امنیتي بنسټونه دې د پېښې هر اړخیزه څېړنه وکړي او عاملان دې عدالت ته وسپاري.

د یادونې وړ ده چې دا یوازې د کابل د پغمان ولسوالۍ د یوه هېوادوال روایت دی افغانستان انټرنشنل یې په خپلواکه توګه نه تاییدوي.

افغانستان انټرنشنل ـ پښتو ته یوه محصل ویلي چې مخکې به مسوولینو ورته ویل د بدل اعاشې لپاره بودیجه نشته، خو اوس چې بودیجه تصویب شوې، بیا هم پیسې نه ورکول کېږي.

هغه زیاتوي: «موږ په بازار کې د اوسېدو او مصرف توان نه لرو. کله چې لیلیې ته مراجعه کوو، راته وایي ځای نشته او لیلیه نه درکول کېږي».

د محصلانو په وینا، د اقتصادي ستونزو له امله ګڼ شمېر زده‌کوونکي له سخت اقتصادي وضعیت سره مخ دي او نه شي کولای د کرایې، خوړو او نورو ورځنیو اړتیاوو لګښتونه برابر کړي.

دوی له اړوندو مسوولینو غواړي چې د بدل اعاشې د ورکړې بهیر ژر تر ژره بشپړ کړي او د لیلیې ستونزې ته هم عملي حل پیدا کړي، څو محصلان وکولای شي خپلو زده کړو ته په مناسب ډول دوام ورکړي.

شیخ زاید پوهنتون د افغانستان له مهمو دولتي پوهنتونونو څخه دی چې د خوست ولایت په مرکز کې موقعیت لري. دا پوهنتون په اصل کې په ۲۰۰۰ کال کې د “افغان پوهنتون” په نوم په پېښور کې جوړ شو، خو وروسته خوست ته ولېږدول شو او په ۲۰۰۳ کال کې یې رسمي فعالیت پیل کړ. وروسته د متحده عربي اماراتو د بنسټ‌ايښودونکي شیخ زاید بن سلطان ال نهیان په نوم ونومول شو، ځکه د پوهنتون د ودانۍ او پراختیا په برخه کې یې مالي ملاتړ کړی و.

د یادونې وړ ده چې دا یوازې د شیخ زاید پوهنتون محصلانو روایت دی. افغانستان انټرنشنل-پښتو یې په خپلواکه توګه نه تاییدوي.

دغه کس وایي چې په ۲۰۲۲ کال کې یې په کابل کې د نجونو د زده کړو او د ښځو د حقونو اړوند لاریونونو کې ګډون کړی و. د نوموړي په خبره، وروسته یې په ۲۰۲۴ کال کې په یوه بل اعتراض کې هم برخه اخیستې وه چې موخه یې د طالبانو د مشر موندل او ورسره حضوري لیدل وو. نوموړی ادعا کوي چې غوښتل یې له ملا هبت‌الله څخه د نجونو د ښوونځیو د پرانیستو، د ښځو د کار حق او نورو مدني حقونو غوښتنه وکړي، خو وایي له همدې امله له ستونزو سره مخ شو او اړ شو افغانستان پرېږدي او تاجکستان ته کډه شي.

نوموړي په خپلې ویډیو کې له ملا هبت‌الله بښنه غوښتې او ویلي یې دي چې اجازه دې ورکړل شي څو افغانستان کې له خپلې کورنۍ سره عادي ژوند وکړي.

دغه افغان همداراز ویلي، ګاونډي هېوادونه له افغان کډوالو سره «ناوړه چلند» کوي. هغه په ځانګړي ډول د ایران، پاکستان او تاجکستان نومونه یاد کړي او ادعا یې کړې چې افغان کډوال په دغو هېوادونو کې له فشارونو او ستونزو سره مخ دي.

د یادونې وړ ده چې دا یوازې له تاجکستان څخه د یوه افغان اېستل شوي کډوال روایت دی. افغانستان انټرنشنل- پښتو یې په خپلواکه توګه نه تاییدوي.

د پنځمې حوزې اړوند یوې سرچینې افغانستان انټرنشنل - پښتو ته تایید کړه، چې یاده کشاله د دغې حوزې د محکمې له رییس سره هم شریکه شوې ده.

نوموړی وايي: "قضیه داسې ده چې موکیل او شاهدان له افغانستانه بېرون دي، مګر وکیل او قاضیانو په جعلي شهادت د کور قباله یو بل چا ته ورکړې ده."

په تر لاسه شویو اسنادو کې ښکاري چې د پنځمې حوزې اړوند درېیو قاضیانو پر جعلي شهادت لیک لاسلیکونه هم کړي دي او پر بنسټ یې کور پلورل شوی دی.

دا لومړی ځل نه دی چې په کابل کې د طالبانو له خوا د بهرمېشتو افغانانو د کورونو د خپلسري پلور قضیه راپورته کیږي، بلکې له دې وړاندې هم افغانستان انټرنشنل - پښتو ته له ننګرهار، کابل، لغمان، کندهار او بلخ ولایتونو څخه ورته سندونه رسېدلي وو.

د دغو اوسېدونکو په خبره، د کندهار د ترافیکو اوسنی د «تنظیم امر» چې ثاقب نومېږي او د هغه معاون عمري، له ترافیکو څخه هره میاشت زر او دوه زره افغانۍ اخلي. د کندهار دغه اوسېدونکی ادعا کوي، هغه کسان چې پیسې ور نه کړي، لرې او ستړو کوونکو ځایونو ته استول کېږي او یا هم له اداري فشار سره مخ کېږي.

دوی زیاتوي، د ښار ګڼ مېشتي او مزدحم چوکونه او هغه ځایونه چې هلته رېړۍ‌وال او نور کسبه کاران درېږي، په «ټیکه» ورکړل شوي او له هماغو ترافیکو څخه په اوونیز ډول پیسې اخیستل کېږي.

د یوه ترافیک د کورنۍ غړي، چې نه یې غوښتل نوم یې خپور شي، وویل ورور یې تازه معاش اخیستی و، خو د تنظیم امر او د هغه د معاون له خوا ترې زر افغانۍ اخیستل شوي.

هغه زیاته کړه: «ورور مې غوښتل د اختر لپاره د کور سودا وکړي، خو پیسې ترې واخیستل شوې. که څوک پیسې ور نه کړي، بیا یې لرې چوکونو ته استوي او زوروي یې».

دغو اوسېدونکو له اړوندو طالب چارواکو غوښتي چې د دغو ادعاوو په اړه دې جدي څېړنه وکړي او د بې‌وزلو ترافیکو ستونزو ته دې رسېدنه وشي.

د یادولو وړ ده چې دا د کندهار ولایت د یو شمېر اوسېدونکو روایت دی، افغانستان انټرنشنل-پښتو یې په خپلواکه توګه نه تاییدوي.