د امریکا د جګړې وزیر: د ایران سمندري محاصره لا هم دوام لري
د امریکا د جګړې وزیر پیټ هېګسېټ په سنګاپور کې د شانګريلا د ناستې په څنډه کې ویلي، چې د ایران د سوېلي بندرونو او ساحلونو سمندري محاصره لا هم په کلکه دوام لري او د هرمز تنګی زموږ په واک کې دی.
د امریکا د دفاع وزیر په خپلو خبرو کې زیاته کړې، چې د هرمز تنګی باید د نړۍ د ټولو هېوادونو د سوداګریزو او ټرانزیټي بېړیو پر مخ پرانیستی واوسي او هېڅ هېواد ته به اجازه ورنکړل شي چې له دغې لارې څخه د تېرېدونکو بېړیو څخه کوم محصول یا باج ترلاسه کړي.
د نوموړي په وینا، د امریکا ځواکونه به په سیمه کې د ازاد تګ راتګ د خوندیتوب لپاره خپلو اقداماتو ته دوام ورکړي.
