د مونیخ هوايي ډګر د شکمنې بې پیلوټه الوتکې د لیدلو له امله تړل شوی
د جرمني مونیخ هوايي ډګر وروسته له هغه چې د ډرون (بېپيلوټه الوتکې) د لیدل کېدو خبر ورکړل شو، خپلې دواړه ځغاستلیکې وتړلې.
د المان د فدرالي پولیسو ویاند ویلي چې یو پیلوټ د شکمن فعالیت راپور ورکړی و.
د الماني رسنۍ فوکس انلاین د راپور له مخې، هوايي ډګر د څو ساعتونو لپاره تړل شوی او چورلکې د ډرون د موندلو په لټه کې دي.
د چارواکو په وینا، وضعیت تر اوسه لا روښانه نه دی.
