د افغانستان فوټبال ملي لوبډله نن د مالدیف په څلور اړخیزو سیالیو کې د لوبو ډګر ته ښکته کېږي

ګجرات ټایټنز لومړی توپ وهنه وکړه او بنګلور ته یې د ۱۵۶ منډو هدف وټاکه. د هدف په تعقیب، رویال چلنجرز بنګلور لوبډله وتوانېده چې ټاکل شوې موخه د لوبې په ۱۸م اوور کې پوره کړي او د اتلولۍ جام خپل کړي.

دا دویم ځل دی چې رویال چلنجرز بنګلور د هند د غوره لیګ اتلولي ګټي. دغې لوبډلې تېر کال، ۲۰۲۵ کې هم د دغو سیالیو اتلولي خپله کړې وه.

د پایلوبې په بریا کې د هند نامتو لوبغاړي ویراټ کوهلي مهم رول ولوباوه. نوموړي ۷۵ چټکې منډې جوړې کړې او تر پایه ناسوځېدلی پاتې شو. کوهلي د خپلې غوره لوبې له امله د سیالۍ د غوره لوبغاړي جایزه هم ترلاسه کړه.

د ګجرات ټایټنز په لوبډله کې افغان ستوری راشد خان هم شامل و. راشد خان د توپ اچونې پر مهال د سیالې لوبډلې دوه لوبغاړي وسوځول او د خپلو ټولو ملګرو بالرانو په پرتله یې کمې منډې ورکړې، خو ونه توانېد چې خپله لوبډله له ماتې وژغوري.

د بنګلور دغه بریا د لوبډلې د مینه‌والو لپاره یوه بله تاریخي لاسته راوړنه بلل کېږي او د هند د روان کرکټي فصل د یادګارو شېبو له ډلې ګڼل کېږي.

د پکتیا ولایت لپاره د طالبانو د رسنیو دفتر د یکشنبې په ورځ (د غبرګولي ۱۰مه) د یوې خبرپاڼې په خپرولو سره ویلي، په لومړي ځل د زندانونو چارو د تنظیم ادارې تر چتر لاندې د پکتیا په زندان کې د زندانیانو د ۷ لوبډلو ترمنځ د کرېکټ اختریز جام په نوم ټورنمنټ پیل شوی وو او بالاخره دغه ټورنمنټ د ځوان ستوري په نوم د محبوسینو لوبډلې په اتلولۍ سره پایته ورسېد.

د دغه زندان مسوولینو د پایلوبې په مراسمو کې د ورزش، یووالي او سالمو فعالیتونو ارزښت ته په اشارې وویل: «دا ډول ورزشي پروګرامونو ته د زمینې برابرول، د زندانیانو د فکري، روحي او بدني وړتیاوو له لوړولو سره ډېره مرسته کوي».

په خبرپاڼه کې راغلي، چې ګټونکې لوبډلې ته د یاد جام د کپ ترڅنګ، د نورو لوبډلو لوبغاړو زندانیانو سره یو ځای د هڅونې په موخه یو شمېر ډالۍ هم ورکړل شوې.

د طالبانو تر کنترول لاندې د المپیک، بدني روزنې او سپورټ عمومي ریاست وايي، چې په سمنګان ولایت کې د پنځو ولایتونو د ۶۰ ورزشکارانو ترمنځ د کورش یا غېږنیونې یو ورځنۍ سیالۍ شوې دي.

د چارواکو په وینا، په دغو سیالیو کې پر کوربه ولایت سمنګان سربېره د کندز، بغلان، جوزجان او بلخ ولایتونو څخه راغلو ورزشکارانو برخه اخیستې وه او د یوې ورځې لپاره یې یو بل سره د غېږنیونې سیالۍ وکړې.

په دغو ترسره شویو سیالیو کې د سمنګان ولایت ورزشکارانو وکولای شول چې لومړی مقام خپل کړي او د اتلولۍ جام وګټي.

دغه راز د کندز ولایت ورزشکارانو دویم او د بغلان ولایت غېږنیوونکو درېیم مقام ترلاسه کړ.

د طالبانو المپیک او سپورټ ریاست وایي چې د دغو سیالیو موخه د یادې ورزشي رشتې وده او د ولایتونو ترمنځ د ورزشکارانو همغږي وه.

د دغو سیالیو په پای کې غوره ورزشکارانو ته جایزې او ستاینلیکونه هم ورکړل شول.

دغه پایلوبه د هند د کرکټ غوره لیګ د روان فصل مهمه او وروستۍ لوبه ده چې نن د احمداباد په لوبغالي کې د ګوجرات ټایټنز او رویل چلینجرز بنګلورو ترمنځ ترسره کېږي.

ګوجرات ټایټنز د پایلوبې تر پړاو پورې د رسېدو په لاره کې د راجستان رویلز لوبډلې ته په مهمه لوبه کې ماتې ورکړې او د پیاوړي کارکردګۍ له امله یې د اتلولۍ پړاو ته لاره موندلې ده.

په دې لوبډله کې افغان سوکه توپ اچوونکی راشد خان هم شامل دی، چې د خپل غوره وروستي فارم او پرېکنده توپ اچونې له امله د ګوجرات ټایټنز د بریا مهمه برخه بلل کېږي.

د دواړو لوبډلو ورستۍ سیالۍ عالي ترسره کړي.

د کرکټ شنونکي وايي چې دواړه لوبډلې په قوي توپ وهنه او توپ اچونه سمبالې دي، نو ځکه د نننۍ پایلوبې پایله له مخکې نه نه شي اټکل کېدای.

تمه کېږي چې دا حساسه او مهمه لوبه به د کرکټ مینه والو لپاره له هیجان ډکه وي او دا به څرګنده کړي چې د روان فصل د اتلولۍ جام د کومې لوبډلې په برخه کېږي.

دا سیالۍ د مالدیف د فوټبال د پنځه اویا کلنۍ په مناسبت جوړېږي او موخه یې د راتلونکو سیالیو لپاره د سیمې د لوبډلو چمتو کول بلل شوې ده.

د اعلان شوي مهالوېش له‌مخې، د افغانستان ملي لوبډله به خپله لومړۍ لوبه د غبرګولي په ۱۱مه د مالدیف ملي لوبډلې پر وړاندې ترسره کړي. دویمه لوبه به د غبرګولي په ۱۴مه د بنګله‌دېش د ۲۳ کلنو لوبډلې پر وړاندې ترسره کړي او په درېیمه لوبه کې به د غبرګولي په ۱۷مه د پاکستان له ملي لوبډلې سره مخ شي.

د دغو سیالیو پایلوبه به د غبرګولي په ۲۰مه ترسره شي.

د افغانستان د فوټبال ملي لوبډلې روزنیز پلاوي د دغو سیالیو لپاره ۲۳ لوبغاړي غوره کړي دي. په دې نوملړ کې تجربه‌لرونکي او ځوان لوبغاړي دواړه شامل دي.

د افغانستان ملي لوبډلې د لوبغاړو نوملړ

فیصل احمد حمیدي، کیوان متقیان، علي‌سینا حکیمي، مصور احدي، مصطفی عمرخېل، احمد شکیب مهري، عمید ارزو، علي رایض مرادي، حبیب‌الله عسکر، نوید محبوبي، علي‌رضا پناهي، الیاس منصور، حامد مومند، رحمت اکبري، جمشید اڅکزی، ساحل سروري، امین نبي‌زاده، امید موسوي، مازیار کوهیار، امید پوپلزی، یاسر صافي، رومین فازي او محبوب حنفي.

د افغانستان فوټبال په وروستیو کلونو کې له بېلابېلو ستونزو سره مخ وو؛ له پرله‌پسې ماتو، د نړیوالو سیالیو له کمښت، تر بنسټیزو ننګونو او مالي محدودیتونو پورې. خو د افغانستان ملي لوبډله هڅه کوي، چې د اسیا په کچه خپل ځای وساتي او له سیالانو سره سیالي وکړي.