یوې افغانې مېرمنې افغانستان انټرنشنل ته په لېږلي غږیز پیغام کې د طالبانو ویاند ذبیحالله مجاهد هغه ادعا رد کړې، چې د طالبانو په زندانونو کې هیڅ ډول ناوړه چلند نهکېږي. یادې مېرمنې ویلي: «تر ټولو بد ځای، بد تاوتریخوالی او ناوړه چلند د طالبانو لهخوا له زندانیانو سره کېږي».
دغه مېرمنې په لېږلي غږیز پيغام کې ویلي، چې څه موده مخکې یې ورور له کوم جرم پرته اړوندې حوزې ته غوښتل شوی او شکنجه شوی دی. یادې مېرمنې ادعا کړې ده، چې له زندانه تر خلاصون وروسته ورور یې دومره وهل شوی چې ان د ناستې او ولاړې هم نه و.
د هغې په خبره؛ طالبانو یې د ورور د خوشې کولو پر مهال ترې بښنه غوښتې، چې په تېروتنې یې راوستی او وروسته یې ترې غوښتي، چې د خلکو په منځ کې د دوی لپاره جاسوسي وکړي. دغه مېرمن وایي، چې دامهال په زندانونو کې ګڼ بېګناه کسان بندیان دي او د طالبانو تر واک لاندې زندانونه د تاوتریخوالي، ظلم او ناوړه چلند تر ټولو بد ځایونه دي.
تر دې وړاندې د طالبانو ویاند ذبیحالله مجاهد له افغانستان انټرنشنل سره په یوه ځانګړې مرکه کې په زندانونو کې د بندیانو د شکنجې راپورونه په کلکه رد کړل او ویې ویل، چې د دوی د اصولو له مخې د تورنو کسانو هر ډول ځورونه منع ده.
