د امریکا بهرنیو چارو وزارت : کویټ کې د مېشتو ځواکونو پر ضد ویشتل شوي ایراني توغندي شنډ شوي
د امریکا بهرنیو چارو وزارت وایي، چې د امریکا ځواکونو تیره شپه په کویټ کې د مېشتو امریکايي ځواکونو پر ضد ویشتل شوي دوه بالستیک توغندي په بریالیتوب سره شنډ کړي او کوم امریکايي سرتېری ته په کې زیان نه دی اوښتی.
د امریکا د بهرنیو چارو وزارت په فاري ژبې اېکس پاڼه ویلي چې تیره شپه د ختیځې امریکا په وخت ۱۱ بجې د ایران له لوري ویشتل شوي دوه بالستیک توغندي د کویټ په خاوره کې د مېشتو امریکايي ځواکونو هدف وو.
په بیان کې ویل شوي چې امریکايي ځواکونو دغه توغندي په فضا کې له منځه وړي او برید ناکام شوی دی.
دغه وزارت زیاتوي چې په پېښه کې هېڅ امریکايي سرتېري ته زیان نه دی اوښتی.
همداراز د امریکا مرکزي قوماندانۍ (سینټکام) ویلي چې د اوربند د ملاتړ تر څنګ به خپلو ځواکونو ته د هر ډول احتمالي ګواښ پر وړاندې د بشپړ چمتووالي او دفاعي تدابیرو ته دوام ورکړي.
